LEVÍTICO 27 - Guarani Bible with DC

Mbaembae reta oñeñono tee Tumpa pe vae

1YandeYa jei Moisés pe:

2“Ere Israel iñemuña reta pe: Kia nunga vae oñererökuaveegüe omboepɨta yave cheve, tomboepɨ metei kuimbae jepɨ rupi.

3Metei kuimbae veinte año vae güive sesenta año güɨnoi vae pe, tijepɨ cincuenta siclo korepoti o mbaemboetea pe korepoti ipoɨ oñejäa rami;

4kuña ko yave tijepɨ treinta siclo korepoti.

5Pandepo año vae güive veinte año güɨnoi vae pe, kuimbae tijepɨ veinte siclo korepoti, jare kuña tijepɨ payandepo siclo korepoti.

6Jare metei yasɨ vae güive pandepo año güɨnoi vae pe, kuimbae tijepɨ pandepo siclo korepoti jare kuña tijepɨ mboapɨ siclo korepoti.

7Ërei sesenta año vae güive jenonde kotɨ tijepɨ quince siclo korepoti, jare kuña tijepɨ payandepo siclo korepoti.

8Ërei paravete yae yave, jare mbaetɨ oupitɨ omboepɨ vaerä oñeñono jepɨ chupe rami yave, toyereraja sacerdote jóvai, jare jae tomae jese mbovɨ ra jepɨta vae, jókuae ñererökuavee oyapo vae ipuere omboepɨ rupi.

9Mɨmba ipuere oñemee cheve vae nunga ko yave, toñeñono tee opaete cheve,

10agüɨye toyepoepɨ ïru mɨmba ndive, ikavi vae ikavimbae ndive ani ikavimbae ikavi vae ndive. Oyepoepɨ yave, mókoi reve toñeñono tee Tumpa pe.

11Mɨmba oyeumbae ko oñemee cheve yave, toyereraja sacerdote pe

12jare jae tomae jese mbovɨ ra jepɨta vae, jókuae mɨmba ikavi rupi. Sacerdote omombeu jepɨ rami toyemboepɨ,

13ërei iya yeño ikɨ̈reɨ ogua yave tomboepɨ omoïru reve jepɨ, pandepo güi metei ye,

14Kia nunga vae oñono tee jo cheveguarä yave, sacerdote tomae jese mbovɨ ra jepɨta vae, jókuae o ikavi rupi. Sacerdote omombeu jepɨ rami toyemboepɨ.

15Ërei iya yeño ikɨ̈reɨ ogua yave tomboepɨ omoïru reve jepɨ, pandepo güi metei ye, jare topɨta ye imbaerä.

16Kia nunga vae oñono tee iɨvɨ cheveguarä yave, jókuae ɨvɨ tijepɨ mbaagüɨye omee rupi, dosciento veinte litro cebada vae tijepɨ cincuenta siclo korepoti.

17Jókuae ɨvɨ oñeñono tee yave año yeyora güire, topɨta mbovɨ ko jepɨ oñeñono vae ramiño.

18Ërei año yeyora pegua güi jaɨkue rupi ɨvɨ oñeñono tee yave, sacerdote toipapa mbovɨ año ra oata oupitɨ vaerä ïru año yeyora pegua vae, jare tomombeu mbovɨ ra jepɨ vae, ërei tombogüeyɨ jepɨ.

19Jare jókuae ɨvɨ omee vae yeño ikɨ̈reɨ ogua yave, tomboepɨ omoïru reve jepɨ, pandepo güi metei ye, jare jókuae ɨvɨ topɨta ye imbaerä.

20Ërei mbaetɨ yave ogua ye, jare ɨvɨ oñemee ïru vae pe yave, ngaraa ye ma ipuere ogua.

21Jare año yeyora pegua pe jókuae ɨvɨ oyeyora vae, toñeñono tee topɨta cheveguarä, topɨta sacerdote imbaerä.

22Kia nunga vae omee ɨvɨ oguagüe cheve yave; iñemuñagüe reta omboyao chupe vaeä vae yave,

23sacerdote tomae jókuae ɨvɨ iya ndive mbovɨ ra jepɨta vae, mbovɨ año ra oata oupitɨ vaerä año yeyora pegua, jare jókuae ɨvɨ iya tomboepɨ jókuae ara voi, jepɨ omombeu chupe rupi jare toñono tee cheve.

24Jare año yeyora pegua pe, toñemee ye iyagüe pe, echa jae ko iya ete.

25Opaete mbaerepɨ nde reñonogüe toiko o mbaemboetea pe korepoti ipoɨ oñejäa rami, veinte geras siclo ñavo.

26Ërei opaete mɨmba imembɨrɨpɨ reta, che peYa imbae ko membɨrɨpɨ jeko pegua, mbaetɨ kia ipuere oñono tee cheveguarä, toro, vecha ani kavara, echa chembae ko.

34Jae ko kuae mborookuai reta yandeYa omee Moisés pe, ɨvɨtɨ Sinaí re, Israel iñemuña reta peguarä vae.