1CheYa Tumpa, nemaendúa David re,
opaete ipɨatɨtɨ reta re.
2Kërai jae jei nderee re oyapo vaerä vae,
oñererökuavee Imbaepuere yae ete vae Jacob pe vae:
3“Mbaetɨta aike chero pe,
mbaetɨta ayapakua aputuu.
4Mbaetɨta asapɨmi,
mbaetɨta kërai yepe ake.
5Aväe regua o jendarä
Imbaepuere yae ete vae Jacob pe vae peguarä vae.”
6Mase, Efrata kotɨ roikuaa käjou morogüɨrökuavee pegua,
jare roväe chupe kaa pe.
7¡Roiketa itupao guakapi pegua pe!
¡Royetavatɨkata jóvai!
8CheYa Tumpa, epüa,
eyu nde jare nekäjou, reputuutaa pe.
9Ndesacerdote reta toyemonde jupi vae pe;
toyerovia ndembae vae reta.
10Nderembiokuai David reaɨu jeko pegua,
agüɨye eröɨro nderembiparavo.
11Añetete, yandeYa jei jee re aeño David pe,
ngaraa jae oipoepɨ iñee; echa jei:
12“Añonota ndeporookuaía pe metei neñemuña reta güi,
jae reta oyapo cheporogüɨrökuavee päve
jare cheporookuai amboe retata vae yave,
neñemuña reta vi oguapɨta ndeporookuaía pe jekuae avei pegua.”
13Echa yandeYa oiparavo ɨvɨtɨ Sión.
¡Oiparavo jae oiko vaerä joko pe!
14“Jae ko kuae ɨvɨtɨ aiparavo aiko avei jese vaerä vae,
kuae pe aikota, echa jökorai aipota.
15Cheporerekuata jeta tembíu rupi jese,
paravete vae reta joko pe yogüɨreko vae amoangapɨɨta.
16Amboyekuaata ndesacerdote reta re chembaepuere yemborɨ pegua,
jare joko pe chembae vae reta oyeroviata.
17Joko pe amboyepotata David imbaepuere,
amee ma cherembiparavo pe oiko vaerä tembipe rami.
18Jovaicho reta ambojopaukata,
ërei jae iñäka-regua jembipeta oyekuaa.”
Who We AreWhat We EelieveWhat We Do
2025 by iamachristian.org,Inc All rights reserved.
