1-2Jaɨkue rupi Job omoë iñee; iñeeasɨ katu arakae oa vae re,
9¡Yasɨtata köe jerúa agüɨyeta tëi oë,
tembipe oñeäro tëi vae agüɨyeta tëi ou,
yasɨtata köembiya ave agüɨyeta tëi jesape!
10¡Echa omaeño aa chesɨ güi,
jare omaeño aecha jeta tembiporara!
11¿Maera ra amano voiä chesɨ jɨe pe,
ani aa yave?
12¿Maera ra tava reta oï aa jese vaerä,
jare kambɨ reta akambu jese vaerä?
13Jökorai yave amanota tëi ko aï añave,
jare aputuuta tëi ko aï;
aketa tëi jare aputuuta aï tëi.
14Mburuvicha guasu reta jare oporomboarakuaa vae reta ndive,
omopüa pɨau ye iyeupe o oyemboaigüe vae.
15Ani mburuvicha reta güɨnoi oro vae ndive,
jo reta omotɨnɨe korepoti pe vae.
16¿Maera ra mbaetɨ aasa michia okua ichɨ güi vae rami,
michia raɨ omano voi oa vae rami?
17Tɨvɨa pe, iyoa vae reta mbaetɨ ma oporombopɨatɨtɨ,
jare joko pe oputuu oyemoambeko yae vae reta.
18Joko pe vi oputuuta tembipɨɨ reta,
ngaraa ma oendu reta oporomombaravɨkɨ vae iñee.
19Joko pe ñogüɨnoi paravete vae reta jare oikokatu vae reta,
jare tembipɨɨ oiko pɨagüive iya güi.
20¿Maera ra Tumpa omaeño oikove oiporara vae?
Jare jekuaeño oikove ipɨatɨtɨ yae vae reta,
21mano oäro tëi vae reta pe, mano mbaetɨ ou,
yepe oeka reta tëi mbaeyekou oeka vae rami.
22Oyerovia yae reta,
jare ovɨakatu reta tɨvɨa pe ojo ma oväe yave.
23¿Maera ra kuimbae oikove, jókuae mbaetɨ oikuaa kerupi ko ojota vae,
Tumpa opa oyokenda jape chugüi vae?
24Cheä-yekɨiño tenonde cheve akaru vaerägüe;
chepüae reta mbaetɨ opɨta ɨ osɨrɨ vae rami.
25Akɨɨyese chugüi vae reta ou oväe cheve,
ou oasa che ndive akɨɨyese chugüi vae.
26Mbaetɨ chepɨakatu, mbaetɨ aï kavi,
mbaetɨ aputuu;
jaeño ou cheve mbɨatɨtɨ.
Who We AreWhat We EelieveWhat We Do
2025 by iamachristian.org,Inc All rights reserved.
