2 REYES 23 - Guarani Bible with DC

1Jayave mburuvicha guasu omboatɨuka opaete tenondegua reta Judá pegua jare Jerusalén pegua.

2Jare mburuvicha guasu ojo yandeYa jo kotɨ opaete kuimbae Judá pegua reta ndive, jare Jerusalén pegua reta ndive, sacerdote reta, ñeemombeúa reta, opaetei joko pegua reta ndive; michi vae reta güive jare opaete okuakuaa vae reta. Joko pe mburuvicha guasu omongeta opaete jókuae tembikuatía morogüɨrökuavee päve pegua pe Natán-melec mɨmba ikarúa renda re oyangareko vae jo jóvai, jare oapɨ vi käretou reta, kuaraɨ pe oñererökuavee vae reta.

12Omboai vi mɨmba oyeyuka oyeapɨ jese vae reta, mburuvicha guasu reta Judá pegua oyapo Acaz jo iárambo vae, jare mɨmba oyeyuka oyeapɨ jese vae reta Manasés omopüa yandeYa jo joka pe vae;

18Jayave Josías jei:

—Peeya jökoraiño. Agüɨye kia ave topoko ikägüe reta re.

Jökorai mbaetɨ mbae oyeapo ikägüegüe reta pe, jare ñeemombeúa Samaria güi ou vae ikägüegüe pe.

19Jare opaete mbaemboete renda ɨvɨtɨ rupigua reta, tëta guasu reta ɨvɨ Samaria pe oï vae reta; kuaekuae oyapo Israel pegua mburuvicha guasu reta vae rupi omboarasɨuka yandeYa. Josías opa vi omboai, Bet-el pe oyapo rami etei.

20Oyuka vi mɨmba oyeyuka oyeapɨ jese vae re opaete sacerdoterä ñogüɨnoi mbaemboete renda ɨvɨtɨ rupigua rupi vae, oapɨ jese reta ïru sacerdote reta ikägüegüe. Javoi oyerova ye Jerusalén kotɨ.

Josías oyapo Pascua(2 Cr 35.1-19)

21Jayave mburuvicha guasu oyókuai opaete vae, jei körai:

—Peyapo Pascua mburuvicha oporojäa vae reta yogüɨrekose mburuvicharä Israel pe yave güive ani opaete mburuvicha guasu reta Israel pe jare Judá pe yogüɨreko yave ave.

23Josías dieciocho año ma oiko mburuvicha guasurä yave oyeapo Pascua yandeYa pe, Jerusalén pe.

Tumpa jekuaeñoi iyarasɨ tëta Judá pegua reta kotɨ

24Josías opa vi oyuka imbaekuaa vae reta, maratuta vae imombeúa reta, opa vi omboai tumpa-raanga o rupigua reta, ïru tumpa-raanga reta, opaete mbaembae pɨ̈chɨigüe oime Judá pe, jare Jerusalén pe vae. Oyapo ombopo vaerä Sacerdote Hilcías oväe yandeYa jo pe tembikuatía mborookuai oï pɨpe vae pe jei vae.

25Mbaetɨ yé chugüi, ïru mburuvicha guasu jae ndei oiko mbove ani taɨkue rupi, jae rami oyepoepɨ yandeYa pe opaete ipɨa ndive, opaete jekove ndive, jare opaete imbaepuere ndive vae, opaete Moisés iporookuai jei rami.

26Opaete kuae reve yandeYa jekuaeñoi iyarasɨ Judá kotɨ, opaete ikavimbae Manasés oyapo vae re.

27Jáeramo yandeYa jei omombo vaerä matɨ iyeugüi Judá, Israel omombo iyeugüi rami, güɨröɨro vaerä tëta Jerusalén, jae oiparavo iyeupe vae, o jae jee oñono tëi joko pe vae.

Josías imano(2 Cr 35.20-27)

28Ïru mbaembae Josías regua, opaete oyapogüe oyekuatía oï tembikuatía pe, Judá pegua mburuvicha guasu reta regua oyekuatía oïa pe.

29Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

30Jare iyɨvɨrigua reta oñono käretou pe, jökorai jëogüegüe güeru reta Meguido güi Jerusalén pe; oñotɨ reta jɨvɨa ae pe. Jayave jókuae tëta pegua reta oiparavo Joacaz, Josías taɨ omboguapɨ jekovia pe mburuvicha guasurä.

Joacaz oguapɨ tëi mburuvicha guasurä(2 Cr 36.1-4)

31Joacaz güɨnoi veintitré año omboɨpɨ oï mburuvicha guasurä yave; oiko mburuvicha guasurä Jerusalén pe mboapɨ yasɨ. Ichɨ jee Hamutal, Jeremías tayɨ, jae ko tëta Libna pegua.

32Oyapo ikavimbae yandeYa jesa róvai, opaete mbaembae iñemuñagüe reta oyapo rami.

33Faraón Necao güɨreko tembipɨɨrä Joacaz tëta Ribla pe, ɨvɨ Hamat pe, agüɨye vaerä oiko mburuvicha guasurä Jerusalén pe; jare oñono tëtaguasu ombaemboepɨ vaerä tres mil tresciento kilo korepoti jare treinta y tres kilo oro.

34Jayave Faraón Necao oñono mburuvicha guasurä Eliaquim, tu Josías jekovia pe, jare oipoepɨ chugüi jee Joacim pe; oipɨɨ Joacaz güɨraja Egipto kotɨ, joko pe omano.

35Joacim omee korepoti jare oro Faraón pe, jae oiporu chupe vae; kuaerä oeka kërai okovara vaerä opaete jókuae tëtaguasu pegua reta pe. Metei ñavo ombaemboepɨ korepoti pe jare oro pe imbaembae oime rupi, Faraón Necao peguarä.

Joacim oiko mburuvicha guasurä Judá pe(2 Cr 36.5-8)

36JoacimJer 22.18-19; 26.1-6; 35.1-19. güɨnoi veinticinco año omboɨpɨ oï mburuvicha guasurä yave; once año oiko mburuvicha guasurä Jerusalén pe. Ichɨ jee Zebuda, Pedaías tayɨ, jae ko tëta Ruma pegua.

37Ërei oyapo ikavimbae yandeYa jesa róvai, opaete mbaembae iñemuñagüe reta oyapo rami.