1CheRu Tumpa, eendu mbae chemoäse vae;
eñovatu cherekove tovaicho reta yavaetegüe güi.
2Cheomi jeko kavimbae reta iyemongeta vɨari güi;
chereepɨ jeko kavimbae reta oyomboemboe chekotɨ vae güi.
3Oimbee reta ikü kɨsepuku rami,
ojäa reta uvɨ rami ñee ikavimbae.
4Oñemía güi oñɨvo reta jekombae;
oesapɨa oñɨvo reta okɨɨyembae reve.
5Ipɨayemboete reta jupimbae oyapo vae rupi;
oyemongeta reta ñuai oñomi oñono vaerä,
jare jei reta: “¿Kia pa oechata?”
6Oyemongeta reta mbaetɨta kia oikuaa chugüi reta ikavimbae oyapo vae.
Ërei Tumpa ipuere oikuaa kuimbae iyemongeta vae,
jae oikuaa kavita.
7Tumpa ko oñɨvo retata juvɨ pe,
iparanoe oñɨvo retata;
8iñee aeño oyeapata ikotɨ reta,
opaete oecha vae oyóyai retata.
9Jayave opaete kuimbae reta oipoɨuta,
oikuaa retata Tumpa oyapogüe,
jare omoërakua retata.
10Kuimbae jupi rupi oiko vae oyerovia katuta yandeYa re jare oyekota jese;
jare opaete ipɨa jupi reve yogüɨreko vae oyerovia yaeta.
Who We AreWhat We EelieveWhat We Do
2025 by iamachristian.org,Inc All rights reserved.
