1CheYa Tumpa, romboeteta,
echa nde chereepɨ,
mbaetɨ remaeño cherovaicho reta cheyóyai yóyai.
2CheYa Tumpa,
aiporu yemborɨ ndeve, jare chembogüera;
3cheYa Tumpa, nde cherenoe omanogüe reta ñogüɨnoia güi;
remee cheve tekove, agüɨye vaerä aja tɨvɨa pe.
4Pe jupi vae reta, petairari yandeYa pe,
¡pemboete jee ikɨambae!
5Echa jae iyarasɨ michi peguaño ko,
ërei jae ipɨakavi mbaetɨ opa chugüi.
Pɨ̈tu yave ou yaeo,
ërei ndeimbove yave outa yerovia katu.
6Aiko pɨagüive kavi yave jae cheyeupe:
“Ngaraa etei kia ipuere chemomɨi.”
7Echa nde cheYa, ndepɨakavi rupi chemomɨ̈rata ɨvɨtɨ rami,
ërei resɨrɨ chegüi yave,
chepɨa jopa apɨta.
8CheYa, ndeveño aekata yemborɨ,
ndeveño ayerureta.
9¿Mbaerä yé pa asiriveta ndeve amano yave, aja yave tɨvɨa pe?
¡Ɨvɨkúi ngaraa ma ipuere ndemboete,
ngaraa ma ipuere omoërakua neñee!
10CheYa Tumpa, eyeapɨsaka cheré, cheparareko;
¡chemborɨ cheYa!
11Chepɨatɨtɨ reipoepɨ cheve yerovia katu pe,
temimonde mbɨatɨtɨ pegua remboi chegüi,
jare chemboemimonde yerovia katu pe.
12Jáeramo, atairarita ndeve mbaemboete pegua,
mbaetɨta kïriiño apɨta,
romboete aveita cheYa Tumpa.
Who We AreWhat We EelieveWhat We Do
2025 by iamachristian.org,Inc All rights reserved.
