1¡lkavi yae ndepɨ reta ndepɨapaa pe, mburuvicha tayɨ!
Nderumbɨapɨka vae oro oñemopöragüe rami,
jókuae ipoki mbae oyapo vae jembiapo rami.
2Nepürúa yapúa kopa rami,
jókuae mbaetɨ oata vino pɨpe vae rami;
ndekúa trigo oyeokuagüe rami,
jare tüpa-ɨpɨ ipotɨ ipɨte pe oï rami.
3Ndekambɨ reta, guasu chaguakiri rami.
4Ndeayu, oɨvate elefante jäimbuku pegua rami;
nderesa reta, ɨrɨru reta tëta guasu Hesbón pegua rami,
öke Bat-rabim jóvai pegua rami;
netï, Líbano pegua maeka ɨvate vae rami,
tëta guasu Damasco kotɨ omae vae rami.
5Neäka, ɨvɨtɨ guasu Carmelo rami;
ndea, inimbo pɨ̈ta vae rami,
¡mburuvicha guasu oyepókoi oï jese!
6Aaɨu vae, yaipota yae ñamae jese vae;
¡ndekavi yae, nepöra yae!
7Ndepukugüe, karandaɨ pukugüe rami;
ndekambɨ reta, iagüe jenembai rami.
8Che jae:
“Tayeupi karandaɨ re, tayepɨɨ ia re.”
Emaeño ndekambɨ, uva ia jenembai vae rami toï;
nepɨ̈túe, otimbo kavi manzana rami;
9ndeyuru, vino ikavigüe yae vae rami,
jókuae jëe ngatu kavi oasa
cherembe rupi jare cheräi rupi vae rami ko.
Kuña:10Aaɨu vae imbae ko che; che ndive ko oyerovia katu.
11¡Aaɨu vae, eyu yaja ko pe!
Yapɨta tëta raɨ reta pe.
12Jare ndeimbove yave, yajata uvarupa pe;
yaecha vaerä oime ra jokɨ, jare oime ra ipotɨ,
jökoraiño vi granada ipotɨ ra vae.
¡Joko pe cheporoaɨu taechauka ndeve!
13Mandrágora reta ia otimbo jëe ngatugüe;
ñaneröke pe oï oipotagüe
mbae ia jëeasɨgüe; mbae ia otinigüe jare oyepoo ramogüe,
nde roaɨu vae peguarä ko añovatu.
Who We AreWhat We EelieveWhat We Do
2025 by iamachristian.org,Inc All rights reserved.
