SALMOS 53 - Guarani Bible with DC

SALMO 53Kuimbae jeko kavimbae jare mbaetɨ arakuaa güɨnoi vae(Sal 14)

1Mbaetɨ iyarakuaa vae reta oyemongeta ipɨa pe mbaetɨ ko Tumpa;

opa oikomegua, oyapo ikavimbae yae vae;

¡mbaetɨ etei kia ave oyapo ikavi vae!

2Ara güi Tumpa omae kuimbae reta re,

oecha vaerä oime ra kia arakuaa güɨnoi vae,

oime ra kia oeka Tumpa vae.

3Ërei metei ñavo opia Tumpa güi,

opaetei oikomegua.

Mbaetɨ metei ave oyapo ikavi vae,

mbaetɨ metei ave yepe.

4Mbaetɨ güɨnoi arakuaa ikavimbae iyapoa reta,

omboendagüe oeya cherëta pegua reta, mbɨyape jou vae ramiño,

jókuae mbaetɨ oyerure Tumpa pe vae reta.

5Joko pe oime kɨɨye yavaetegüe,

yepe tëi mbaetɨ mbae jeko pegua okɨɨye vaerä.

Echa Tumpa opa omoai perovaicho reta ikägüe,

ñemomarai pe opɨtata, echa Tumpa güɨröɨro reta.

6¡Mbae mona ɨvɨtɨ Sión güi ou yemborɨ Israel pe!

Tumpa güeru ye yave imbae vae reta,

ovɨakatu yaeta Jacob,

oyerovia yaeta Israel.