1Jayave Salomón omboatɨ jóvai Jerusalén pe Israel iñemuña itenondegua reta, opaete ñemuña itenondegua reta jare tëtara ñavo ñemuña juvicha reta, güɨroyakavo vaerä käjou morogüɨrökuavee päve pegua yandeYa imbae David pe, jae ko chiúa yasɨ pe.
3Yogüeru oväe opaete Israel iñemuña itenondegua reta, jare sacerdote reta oipɨɨ käjou
4jare güɨraja reta käjou morogüɨrökuavee päve pegua yandeYa imbae, jare tupao guakapi pegua yemboatɨ renda opaete mbaembae oñeñono tee vae ndive, kuaekuae reta opa güɨraja sacerdote reta jare levita reta.
5Mburuvicha guasu Salomón jare opaete Israel iñemuña reta ñogüɨnoi jae ndive vae, ñogüɨnoi käjou morogüɨrökuavee päve pegua jóvai, omee vecha reta jare toro reta oyeyukagüe, jeta yae ramo oyepapa rapeä.
6Jaɨkue rupi sacerdote reta güɨroike käjou morogüɨrökuavee päve pegua yandeYa imbae tupao japɨpe oñeñono tee kavi yae vae pe, jókuae araɨgua reta iä ipepo igüɨ pe,
7echa jókuae araɨgua iä reta omoata güɨnoi ipepo ɨvate rupi, jökorai güɨnoi ipepo reta Tumpa ikäjou jare ivoɨka ɨvɨra reta iárambo.
8Ërei ngatu ɨvɨra Tumpa ikäjou ivoɨka reta puku ete ramo, oyekuaa opɨta tupao japɨpe oñeñono tee vae güi, ërei ikatu güi ete mbaetɨ oyekuaa, jökorai opɨta añave regua.
9Käjou pe jaeño oï mókoi ita ipe vae, Moisés oñono pɨpe HorebTupao guasu oñeñono tee(2 Cr 6.1-7,10)
12Jayave Salomón jei:
“CheYa, nde rere,
reikota ko pɨtumimbi pe vae.
13Ërei che omopüa o ndeveguarä,
pɨpe eiko jekuae avei.”
14Javoi mburuvicha guasu oyerova omae Israel iñemuña reta yatɨ ñogüɨnoi vae kotɨ, jare jei ñee kavi ikotɨ reta; jare opaete Israel iñemuña reta oyemboatɨ vae oyemboɨ ñogüɨnoi.
15Jei: “Toyemboete yandeYa, Israel iTumpa, cheru David ndive imiari vae, jare iñee ombopo vae, jei reve:
16‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel
52Che nderembiokuai iyerure re eïndaivi reyeapɨsaka vaerä jare tëta ndembae vae iyerure nemoñera reve vae re. ¡Eendu chupe opaete jókuae iyerure!
53Echa nde rembosɨrɨ ndeyeupe kuae tëta ïru tëta reta ɨvɨ pe ñogüɨnoi vae ipɨte güi, jökorai remombeu nderembiokuai Moisés rupi, renoe oreñemuñagüe reta Egipto güi yave, cheYa Tumpa.”
54Salomón opa oyerure omoñera reve vae yave, opüa jókuae oyetavatɨka oï jókuae mɨmba oyeyuka oyeapɨ jese vae jóvai güi, ipo omopüa oï ara kotɨ vae güi,
55oyemboɨ jare jei ñee kavi opaete Israel iñemuña reta pe iñeeäta reve körai:
56“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai MoisésDt 12.10; Jos 21.44-45. rupi vae.
57Toï yande ndive yandeYa Tumpa, ñaneñemuñagüe reta ndive oikose rami. Agüɨye tosɨrɨ ani tiyandereeya.
58Yandepɨa ñañono ikotɨño yayapo vaerä opaete jae jemimbota jare ñañovatu iporookuai reta, mborookuai reta oyókuai ñaneñemuñagüe reta oyapo vaerä vae.
59Kuae aiporu yandeYa pe vae, toiko avei yandeYa Tumpa jóvai köiño ara rupi jare pɨ̈tu yave, oyapo vaerä jupi vae jembiokuai pe jare Israel tëta imbae pe, iara oväe rupi.
60Jökorai oikuaa reta vaerä opaete ɨvɨ pegua tëtaguasu reta yandeYa jae ko Tumpa, mbaetɨ yé ïru Tumpa vae.
61Jáeramo pepɨa jupi reve kavi peiko yandeYa Tumpa ndive, peyapo reve iporookuai reta jeigüe vae, añave rupi rami.”
62Kuae jaɨkue rupi mburuvicha guasu, jare opaete Israel iñemuña reta omee mɨmba oyeyukagüe yandeYa pe.
63Salomón omee yandeYa pe mɨmba oyeyukagüe yembopɨakatu pegua, veintidó mil toro jare ciento veinte mil vecha.
Jökorai mburuvicha guasu jare opaete Israel iñemuña reta oñono tee yandeYa itupao.
64Jókuae ara voi mburuvicha guasu oñono tee oka mbɨte, yandeYa itupao jóvai oï vae, echa joko pe omee mɨmba oyeyukagüe opaetei oyeapɨ vae, mbota temitɨ jäɨgüe jare mɨmba oyeyukagüe yembopɨakatu pegua ikɨragüe, echa michi opɨta mɨmba oyeyuka oyeapɨ jese vae jiero iyu vae pegua yandeYa jóvai oï vae, mbaetɨ iyave opaete mɨmba oyeyukagüe opaetei oyeapɨ vae, mbota temitɨ jäɨgüe, mɨmba oyeyukagüe yembopɨakatu pegua ikɨragüe.
65Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.
66Pɨareve pe omboyupavo opaete vae. Jare jae reta jei ñee kavi mburuvicha guasu pe, jare oyerovia reve opa yogüɨraja jëta kotɨ, Tumpa oyapo ikavi vae jembiokuai David kotɨ vae re, jare Israel tëta imbae vae re.
Who We AreWhat We EelieveWhat We Do
2025 by iamachristian.org,Inc All rights reserved.