1Mbaravɨkɨ iya reta, peyapo jupi vae jare isɨmbi vae perembiokuai reta pe, echa peikuaa ko oime vi penoi peYa ara pe.
2Jekuaeño peyerureEf 6.18-20; Flp 4.6. avei. Peyerure avei pemee reve yasoropai Tumpa pe.
3Jare peyerure vi oreré, yandeYa oipea vaerä oreve öke romoërakua vaerä Cristo regua yaikuaambae vae, echa jókuae re ko che aï kuae tembipɨɨrɨru pe.
4Peyerure cheré, chepuere vaerä aikuaauka kavi.
5Peiko pearakuaa katu reve oporogüɨroviambae vae reta ndive. Peiporu kavi ara reta.Ef 5.16.
6Pemiari kavi ñee oporomboyerovia vae. Peikuaa kavi mbae pere vaerä oparandu vae pe.
Tamaraeme reta7Opaete cheregua, TíquicoHch 20.4; 2 Ti 4.12. omombeuta peve. Jae ko cherɨvɨ aaɨu vae, yandeYa jembiokuai jupi vae, chemborɨ vae.
8Echa kuaerä amondo pépɨri, oikuaa vaerä peregua, jare jae pembopɨakatuEf 6.21-22. vaerä.
9Amondo vi jae ndive Onésimo.Flm 10-12. Jae vi ko cherɨvɨ aaɨu vae jupi vae, jae ko perëtaɨgua. Jae reta oikuaaukata peve opaete mbae kuae pe oyeapo vae.
10Aristarco,Hch 19.29; 27.2; Flm 24. cheïru tembipɨɨrɨru pe vae, omondo tamaraeme peve, jare Marcos,Hch 12.12,25; 13.13; 15.37-39. Bernabé jiɨ. Jókuae che poyókuai ma pemboresive kavi vaerä, ojo pépɨri yave vae.
11Jare Jesús, Justo pe oero reta vae omondo vi peve tamaraeme, jaeño ete kuae judío reta chemborɨ amoërakua vaerä Tumpa iporookuaía regua. Jae reta chembopɨakatu yae.
12EpafrasCol 1.7; Flm 23. vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.
13Echa che etei chepuere amombeu peve kërai Epafras oyemoambeko täta peré, jare Laodicea jare Hierápolis pegua reta re.
14Lucas2 Ti 4.11; Flm 24. jare Demas2 Ti 4.10; Flm 24. vi omondo tamaraeme peve. Lucas jae ko oporopoano vae aaɨu vae.
15Tamaraeme toñogüɨnoi oporogüɨrovia vae reta Laodicea pegua. Ninfas jare opaete oporogüɨrovia vae reta jae jo pe oyemboatɨ vae.
16Pe reta pemongeta ma yave kuae tupapire, pemondo LaodiceaɨguaAp 3.14-22. oporogüɨrovia vae reta omongeta vaerä vi. Jare jókuae tupapire Laodicea pe amondo vae pe reta pemongeta vi.
17Pere ArquipoFlm 2. pe toñemoäta ngatu, oyapo vaerä mbaravɨkɨ yandeYa omee chupe vae.
18Che etei amondo peve tamaraeme, aikuatía chepo pe etei. Pemaendúa tembipɨɨrɨru pe aï vae re. Tumpa ipɨakavi toï pe ndive. ¡Amén!
Who We AreWhat We EelieveWhat We Do
2025 by iamachristian.org,Inc All rights reserved.
