EZEQUIEL 18 - Guarani Bible with DC

Iyoa vae omanota

1YandeYa jei cheve:

2“¿Maera pa Israel pe mbaetɨ pekuérai pere kuae ñee arakuaa pegua: ‘Kuimbae reta jou uva jayasɨ vae, jare taɨ reta jäi-yeɨ’?Jer 31.29.

3Che peYa Tumpa jae cheyé aeño, ngaraa ye ma pere kuae ñee arakuaa pegua Israel pe.

4Chembae ko opaete vae; michia reta jare tu reta. Kia iyoa vae, omanota ko.

5Kuimbae jupi vae, jae ko oyapo jupi vae jare isɨmbi vae:

6Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

7mbaetɨ vi oyuvanga kia re, mbia re oeya mbae vae pe, omee ye chupe; mbaetɨ oñomi mbae kia güi; yɨmbɨaɨ vae omongaru jare nandi vae omboemimonde;Mt 25.35-40.

8oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

9cheporookuai jei rami oiko; oyapo opaete cheporookuai reta. Jae kuae kuimbae añetete jupi vae. Jáeramo oikoveta,Lv 18.5. che peYa jae.

10Ërei oime yave kuae kuimbae taɨ imonda jare oporoyuka, ani opaño mbae ikavimbae oyapo,

11tu mbaetɨ oyapo vae oyapo, ojo aretea pe oñemee yave mbaemboete ɨvɨtɨ re tumpa-raanga reta pe, oasa japicha jembireko ndive,

12oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

13oiporuka ikorepoti yave oasa ete okovara jese. ¡Jókuae kuimbae ngaraa oikove! Oyapo yave opaete jókuae che aröɨro vae reta, omanota ko, jaeiño ko jeko iyeupe imano re.

14Ani ipuere vi kuae kuimbae taɨ oecha opaete tu oyapogüe mbaeyoa, ërei kuae taɨ mbaetɨ omomoe tu jeko;

15mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive,

16mbaetɨ oyuvanga kia re, mbia re oeya mbae pe omee ye; mbaetɨ oñomi mbae kia güi; yɨmbɨaɨ vae omongaru jare nandi vae omboemimonde;

17oiporuka ikorepoti yave mbaetɨ oasa ete okovara jese; mbaetɨ ikavimbae oyapo ïru vae pe; cheporookuai jei rami oiko; oyapo opaete cheporookuai reta. ¡Jókuae kuimbae ngaraa omano tu iyoa jeko pegua! ¡Oikoveta ko!

18Ërei tu imbaeyuvanga katu, imonda, oyapo ikavimbae ïru reta ipɨte pe; jáeramo omanota ko iyoa jeko pegua.

19Pe reta peparandu yave: ‘¿Maera ra taɨ oiporaraä vi tu iyoa re?’ Echa taɨ oyapo isɨmbi vae jare jupi vae, jare oyapo opaete cheporookuai reta; jáeramo oikoveta ko.

20Jaeño iyoa vae omanota, kuimbae taɨ ngaraa omboepɨ tu iyoa, ani kunumi tu, ngaraa omboepɨ taɨ iyoa.Dt 24.16. Jupi vae jepɨta chupe imbaejupi, jare iyoa vae oiporarata ikavimbae oyapo vae.

YandeYa jupi ko(Ez 33.10-20)

21Ërei iyoa vae opia yave opaete mbaeyoa oyapo oiko vae güi, jare oyapo yave cheporookuai jupi rupi, oikoveta ko, ngaraa omano.

22Che ngaraa ma chemaendúa opaete ikavimbae oyapo vae re; oikoveta jupigüe oyapo vae rupi.

23Che mbaetɨ aipota omano iyoa vae, ërei mbaetɨ oyepoepɨ jeko ikavimbae güi yave omanota.2 P 3.9. Che peYa Tumpa jae kuae.

24Ërei jupi vae opia yave jupi oyapo oiko vae güi, jare jae oyapo ikavimbae yae vae iyoa vae reta oyapo vae güi yave, ¿perovia pa oikoveñota? Che ngaraa ma chemaendúa opaete ikavi vae oyapogüe re. Oyapo jupimbae jare iyoa jeko pegua omanota.

25Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

26Jupi vae opia yave jupi oiko vae güi, jare oyapo yave ikavimbae, omanota ko, ikavimbae oyapo jeko pegua.

27Ërei iyoa vae opia yave ikavimbae güi, jare oyapo yave jupi vae, güɨroasayepeta jekove.

28Echa omae jare opia opaete ikavimbae oyapo vae güi. Oikoveta ko, ngaraa omano.

29Ërei Israel pegua reta jei yave cheve, mbaetɨ jupi ayapo. ¿Che ra mbaetɨ jupi ayapo? ¿Israel pegua retaä ra jupimbae oyapo?

30Che ajäata opaete Israel iñemuña reta jeko oï rupi.Job 34.11; Sal 62.11-12; Pr 24.12; Jer 17.10; Ez 33.20; Mt 16.27; Ro 2.6. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

31Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta.Ez 36.26. Echa, ¿maera pa omanota Israel iñemuña reta?

32Che mbaetɨ etei aipota kia omano. Peyepoepɨ ikavimbae güi jare peikoveta. Che peYa Tumpa jae.