1Tumpa ko ñepɨ̈roa jare yeepɨka,
mbɨatɨtɨ iara pe yandemborɨ jarembae voi vae.
2Jáeramo, agüɨye yakɨɨye,
yepe tëi ɨvɨkana,
yepe tëi ɨvɨtɨ guasu opa osururu ɨguasu pe,
3yepe tëi ɨguasu jɨapu jare opüa ɨaparúa,
yepe tëi ɨvɨtɨ guasu reta okana ɨguasu iyarasɨ yae jeko pegua.
4Ɨ̈aka rupi ɨ osɨrɨ vae omboyerovia Tumpa jëta guasu,
o mbaemboetea pegua, Tuichagüe yae ete vae oïa.
5Tumpa oime oï pɨpe, ngaraa maratu;
Tumpa omborɨta köe yave.
6Jäsémbai tëtaguasu pegua reta,
orɨrɨi mborookuaía reta,
iñee omoë yave, ɨvɨ opa tɨkui.
7¡YandeYa Imbaepuere yae ete vae oime yande ndive!
¡Jacob iTumpa jae ko ñaneñepɨ̈roa!
8Peyu pemae yandeYa jembiapo reta re;
opa omokañɨtei ɨvɨ.
9Omombɨta ñeraro opaete ɨvɨ rupi;
omopë güɨrapa reta, oakɨo mii reta,
jare, ¡opa oapɨ tata pe käretou ñeraro pegua reta!
10“¡Peñemokïrii! ¡Peikuaa che ko jae Tumpa!
¡Che ko aï opaete tëtaguasu reta iárambo!
¡Chetuicha yaeta opaete ɨvɨ iárambo!”
11¡YandeYa imbaepuere yae ete vae oime yande ndive!
¡Jacob iTumpa jae ko ñaneñepɨ̈roa!
Who We AreWhat We EelieveWhat We Do
2025 by iamachristian.org,Inc All rights reserved.
