ZACARÍAS 7 - Guarani Bible with DC

Mbarandu yekuaku tembíu güi vae regua

1Darío irundɨa año ma oiko mburuvicha guasurä yave ou yandeYa iñee Zacarías pe, chiu yasɨ irundɨ ara pe, jae ko Quisleu yasɨ.

2Bet-el pegua reta omondo Sarezer, Regem-melec ndive jare jupiegua kuimbae reta, oiporu vaerä yandeYa ipɨakavi.

3Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

4Jayave yandeYa Imbaepuere yae ete vae jei cheve körai:

5“Ere opaete kuae ɨvɨ pegua reta pe, jare sacerdote reta pe: ‘Kuae setenta añoJer 25.11; 29.10; Zac 1.12. rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

6Pekaru jare peu vino yave, ¿peuä yera peyeupeguaräño?’ ”

7¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

Mborookuai oyapombae jeko pegua oñerenoeuka vae

8YandeYa jei Zacarías pe:

9“Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

10Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’Am 5.25; Miq 6.8.

11Ërei mbaetɨ oipota reta oendu, jaeño omee ikupe, jare iyapɨsa oyapete reta agüɨye vaerä oendu.”

12Ita diamante jee vae täta yae rami ipɨa omotäta reta agüɨye vaerä oendu mborookuai ani yandeYa Imbaepuere yae ete vae iñee, ombouse yave iEspíritu rupi tenondegua ñeemombeúa reta rupi.

Jáeramo yandeYa Imbaepuere yae ete vae iyarasɨ yae.

13Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

14Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”