ÉXODO 23 - Guarani Bible with DC

Mborookuai reta morojäa regua

1Agüɨye pemoërakua ndaye,

4Peväe yave, güeye ani mburika perovaicho reta güi okañɨgüe, pemboyevɨ ye chupe.

5Peecha yave, pemotareɨ omae peré vae imburika ogüɨapi ivoɨta ndive, pemborɨ pembogüeyɨ voɨta mburika güi.

6Agüɨye perova paravete vae iñeapo chugüi.

7Peyembosɨrɨ apu reta güi, agüɨye peyuka jekombae vae jare jupi vae, echa che mbaetɨta ambojupi jeko vae.

8Agüɨye peipɨɨ vɨari mbota teko iya güi; echa jókuae mbota güɨrokomegua oporojäa vae reta jare jupi vae reta.

9Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.Mbutuu regua

10Ova año pemaetɨ jare pemboɨru pembaagüɨye,

11ërei chiúa año pe pemombutuu peɨvɨ, perëtaɨgua paravete vae reta jou vaerä, jare jembɨregüe tou mɨmba ñana rupigua, jökorai vi peyapo peuvarupa jare peremitɨ olivorupa ndive.

12Ova ara peparavɨkɨ, jare chiúa ara pe peputuu,

17Año pe mboapɨ ye toyogüeru opaete kuimbae, che peYa jóvai.

18Agüɨye pemee cheve mbɨyape oyembovugüe ndive mɨmba oyeyuka vae jugüɨgüe, mɨmba oyeyuka vae ikɨragüe ave agüɨye peñovatu pɨareve peguarä.

19Pembaagüɨyerɨpɨ ikavigüe peru che peYa Tumpa jo pe.

Agüɨye kavara raɨ isoogüe pemboyɨ ichɨ ineche pe.YandeYa iaraɨgua güɨroata Israel iñemuña reta

20Mase, ko che amondo chearaɨgua, peangareko vaerä tape rupi, jare pereroike vaerä ɨvɨ amokätɨro pevea pe.

21Agüɨye pesɨrɨ chugüi, peendu iñee; agüɨye pepɨarai chupe, echa jae ngaraa iñɨ̈ro peve pepɨarai vae re, echa cherekovia pe jae oï.

22Ërei añetete perovia iñee jare peyapo opaete che jae peve vae yave, aikota perovaicho reta jovaichorä jare ambopɨatɨtɨta pembopɨatɨtɨ vae reta.

23Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

24Agüɨye petindɨ jae reta itumpa jóvai, agüɨye peyeokuai chupe reta, agüɨye ave peyapo jae reta oyapo rami, opa pemboai chugüi reta, opaetei peyoka chugüi reta mbae iä oyapogüe.

25PeYa Tumpa peño peyeokuai, jae pemboyekouta tembíu pe jare ɨ pe.

Jare che ambosɨrɨta pegüi opaete mbaerasɨ reta,

26ngaraa oime peɨvɨ pe kuña imembɨ okua vae ani kuña imembɨmbae vae; che ameeta peikopuku vaerä.

27Che amondota perenonde kɨɨye; amongɨɨyeta pegüi opaete tëta peikea rupi, ambotekuaraita opaete perovaicho reta perenonde güi.

28Amondota perenonde kɨɨye, omoë vaerä ombotekuarai; heveo, cananeo jare heteo reta perenonde güi.

29Mbaetɨta metei año peño amoë amombo perenonde güi, agüɨye vaerä ɨvɨ opɨta ipombae, agüɨye vaerä mbaeporou reta oñemuña peve kaa rupi.

30Mbegüe mbegüe pe opata amoë amombo perenonde güi, peñemuña regua jare pepɨ̈ro regua peiko vaerä jókuae ɨvɨ pe.

31Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

32“Agüɨye peñemoïru jae reta ndive, ani itumpa reta ndive ave,

33agüɨye peɨvɨ pe ave toyogüɨreko, agüɨye vaerä oyavɨuka peve chekotɨ, jare peyeokuai itumpa reta pe, echa pererokomeguata ko.”