1Cheraɨ, eendu cheñee reta, eñovatu ndepɨa pe cheporookuai reta.
2Eendu cheporookuai reta jare cheporomboe reta;
eyangareko jese, neresäɨ kunumi re reyangareko rami, jare reiko pukuta.
3Ereko nepoäka re, ereko avei ndepɨa pe.
4Arakuaa pe ere: “Chereindɨ”;
arakuaa katu pe ere: “Tëtara.”
5Ndeangareko vaerä kuña iyaguasa pota vae güi,
kuña reta iñee mbokere vae güi.
6Metei ara che amae vɨari aï cheventana rupi yave,
7aecha kunumi reta mbaetɨ yarakuaa vae,
aecha chugüi reta metei mbaetɨ oyeandu katu reve oiko vae.
8Ou oväe kaye iekina pe yave,
oasa jovaicho kotɨ, jókuae kuña jo oïa kotɨ;
9kaaru ete ma yave,
jaemai jäve jäve yave.
10Güɨramoiño metei kuña oë oövaiti,
kuña iyaguasa pota rami oyemonde vae,
ipoki yae oporombotavɨ vae,
11metei kuña tekorai iyapoa, jekoasɨ vae,
oïmbae jo pe vae.
12Ámope oï kaye rupi, ámope oï oka guasu rupi,
okätɨro oiko jokoropi oasagüe re.
13Jókuae kuña oiküava kunumi jare oiyurupɨte,
jare imarambae reve jei chupe:
14“Che añererökuavee amee vaerä mɨmba oyeyukagüe yembopɨakatu pegua,
kuae ara ambopo ma jókuae añererökuavee vae.
15Jáeramo ko ayu roövaiti;
¡roeka mbatee ma, jare roväe chupe!
16Cherupa amopöra kavi asoya pe,
asoya lino pegua Egipto pe oyeapo vae pe,
17cherupa amokäti kavi mirra pe, áloe jare canela pe.
18Eyu, yandeangapɨɨ oyoe köe regua; ñaneköe yayerovia,
19echa cheme mbaetɨ ko oï,
ojo ko mombɨrɨ;
20güɨraja iyeupe metei jɨru korepoti,
yasɨ jova guasu yave ramo ko oyerova yeta.”
21Iñee reta ipöra yae vae rupi,
jare iñee-yukɨ rupi
omokɨ̈reɨ jókuae kunumi,
22jaema voi oguata jupíe:
Metei guaka oyereraja mbaeyukaa kotɨ rami,
metei iyarakuaambae ojo tembipɨɨrɨru pe oñenupa vaerä rami,
23metei güɨra jaeiño oa ñuai pe rami,
oikuaambae reve oyukata ko vae,
javoi metei uvɨ oeterasa.
24Jayave, eyeapɨsaka cheré cheraɨ;
eyeapɨsaka kavi cheñee reta re.
25Agüɨye ndepɨa topia jókuae kuña jeko jupíe,
agüɨye emborɨ katu ekua jupíe,
26echa jeta vae oa ipo pe;
yarakuaa katu yae vae reta ave oa ipo pe.
27Jëta jape, jae ko mano kotɨ oporogüɨraja vae.
Who We AreWhat We EelieveWhat We Do
2025 by iamachristian.org,Inc All rights reserved.
