1Ërei nde nemiari yave eporomboe añete vae re.
2Ndechi reta agüɨye tei teiiño, jeko tisɨmbi, toyeandu katu, tipɨ̈rata iporogüɨrovia pe, iporoaɨu pe jare tipɨaguasu.
3Jaeramiño vi kuña okuakuaa vae reta tijeko kavi, agüɨye tiporoangaose, agüɨye tikause, toporomboe ikavi vae re;
4tomboe kuña taɨrusu vae reta oaɨu vaerä ime jare imembɨ reta,
5oyeandu vaerä, jare tikɨambae Tumpa jóvai, oyangareko kavi vaerä jo re, ipɨakavi vaerä, oiko vaerä ime jeia re, agüɨye vaerä jeiuka ikavimbae vae Tumpa iñee kotɨ.
6Jaeramiño vi emboarakuaa kuimbae taɨrusu vae reta oyeandu vaerä.
7Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,
8eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.
9Emboarakuaa tembiokuai reta yogüɨreko vaerä iya jeia re, tomboyerovia iya opaete mbae pe, agüɨye toyaka iya;
10agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.
11Echa Tumpa ipɨakavi oyekuaa ko opaete vae oyemboasauka vaerä,
12Tumpa ipɨakavi yandemboe yaeya vaerä mbaeyoa reta jare soo jemimbota ɨvɨ pegua, jare yaiko yaikuaa kavi reve, jupi rupi, yamboete reve Tumpa,
13jare ñaäro yayerovia reve yandeRu Tumpa yandemboasa vae Jesucristo2 P 1.1. ou yeta vae.
14Echa jae oñemee omano vaerä yanderé,Mt 20.28; Mc 10.45; Gl 1.4; 1 Ti 2.6. jae yandereepɨ vaerä opaete ikavimbae güi,Sal 130.8; Mt 20.28. jare oyoe vaerä yandepɨa yandeyoa reta güi, yandeapo vaerä imbae retarä,Ex 19.5; Dt 4.20; 7.6; 14.2; 1 P 2.9. yaipota yae vaerä yayapo mbaravɨkɨ ikavi vae.
15Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.
Who We AreWhat We EelieveWhat We Do
2025 by iamachristian.org,Inc All rights reserved.
