1Nínive, oporomboai vae oporepeña ndekotɨ.
¡Eñono neraroa nekësea re!
¡Emae tape re!
¡Eñono ndekúa re kɨsepuku!
¡Emboatɨ ndemborɨa reta!
2Echa yandeYa omopüa pɨau yeta opaete Jacob iyemboetea, jae ko Israel,
echa opa oyeekɨuka oyemombo,
jare opa uva jäka güɨrokomegua oeya rami.
3Isundaro ñeraro pegua reta pɨ̈ta ko iyeopiaka
jare pɨ̈ta vi jemimonde reta.
¡Oïndaivi ma ñogüɨnoi ñeraro peguarä!
Ikäretou reta overa vera;
ikavayu reta mbaetɨ oyemboɨ kïrii.
4Käretou reta yavaetegüe oñemoai osɨi oka rupi,
opärara osɨi reta oka rupi,
overa vera oasa reta ama-vera rami.
5Mburuvicha guasu oenɨita isundaro reta,
jare jae reta oyopete pete
tëta guasu ikësea re oporepeña reta yave,
jókuae tovaicho reta oñeñono kavi ma oike vaerä tëta guasu pe yave.
6Oyepea ɨ jape reta
jare mburuvicha guasu jo kavi reta opa osururu.
7Mburuvicha guasu jembireko güɨraja reta ɨvɨ ambuae kotɨ;
jembiokuai reta yogüɨraja jupíe,
jäse reta pɨkasu reta rami
jare oyaeo reta ipɨtía re okua reve.
8Ɨrɨru osoro vae güi ɨ osɨi rami,
Nínive pegua reta otekuarai.
“¡Pepɨta! ¡Peyerova ye!”, jei osapúkai chupe reta,
ërei mbaetɨ metei ave oyerova ye.
9¡Peñomi korepoti! ¡Peñomi oro!
¡Nínive pegua mbaeyekou mbaetɨta opa!
10Oyemboai jare ipombae opɨta,
jökorai opɨta Nínive.
Ipɨakɨɨye yae reta,
orɨrɨi itava reta,
opaete vae pe oata mɨ̈rata
jare jova ambuae yae opɨta reta.
11¿Kërai pa opɨta yaguapope reta ikua,
yaguapope raɨ reta ikea?
Joko pe yaguapope reta jare yaguapope raɨ reta
ikavi yae yogüɨreko yepi;
mbaetɨ etei oime kia ombosɨi vaerä.
12Yaguapope oyuka yepi jembia,
omboyao yaguapope kuña pe jare yaguapope raɨ reta pe,
jare ikua omotɨnɨe yepi mbae oyukagüe pe.
Tëta Nínive opaetei oyemboai vae13YandeYa Imbaepuere yae ete vae jei:
“Ko añemopüa ndekotɨ:
Opata aapɨ nekäretou ñeraro pegua reta,
opata ayapo tätatirä;
opata ayuka nderaɨ reta;
opata amokañɨ maeñomi oime ndeɨvɨ pe vae,
jare ngaraa ye ma oyeendu neñee jerajaa reta iñee.”
Who We AreWhat We EelieveWhat We Do
2025 by iamachristian.org,Inc All rights reserved.
