1Job jei:
2Añave chemiarita vi jasɨ katu reve,
echa jeiete yae chepere reta cheräse güi.
3¡Kia pa jeita cheve ketɨ aväe vaerä Tumpa,
jare aja aväe jae oïa pe!
4Chemiarita chupe mbae aasa vae re,
jeta anoi mbae re ayeepɨ vaerä.
5Aikuaata mbae jae chupe vaerä,
jae omboyevɨ yave ñee cheve.
6¿Oyoakata ra che ndive tuicha mbaepuere ndive?
Ngaraa, jae oyeapɨsakata ko cheré.
7Ngaraa chemboeko,
jare chereeyata jekombae jekuae avei pegua.
8Mase, aeka yave Tumpa kuaraɨ oëa kotɨ,
ngaraa aväe chupe,
aeka yave kuaraɨ oikea kotɨ, ngaraa aecha.
9Amae yave ɨvɨtuguasu kotɨ, ngaraa aecha,
arayevɨ jaeramiño vi.
10Ërei jae chekuaa katu,
chejäa yave aëta oro oyeambae rami.
11Aguata jaɨkue mbaetɨ apia chugüi,
ayapo jei cheve vae cheokuai rami.
12Mbaetɨ apia jae iporookuai güi,
ambotenonde iñee, tembíu güi.
13Ërei jae jei yave mbae oyapo vaerä, oyapo,
ngaraa kia oipoepɨ iyemongeta.
14Jae ikɨ̈reɨ oyapo cheve vae, oyapota ko,
jare oime jeta iyemongeta pe güɨnoi jókuae nunga.
15Jáeramo, che akɨɨye aï jae jóvai,
ayemongeta jese yave chemongɨɨye yae.
16Tumpa chembopɨtu yae ma,
Imbaepuere yae ete vae chembopɨatɨtɨ yae.
17¡Mbae mona pɨ̈tu chemokañɨ,
jare pɨtumimbi opa cheöva!
Who We AreWhat We EelieveWhat We Do
2025 by iamachristian.org,Inc All rights reserved.
