NÚMEROS 2 - Guarani Bible with DC

Israel iñemuña reta kërai oyembojeyupa vaerä

1YandeYa jei Moisés jare Aarón pe:

2“Israel iñemuña reta toyembojeyupa matɨ ngatu mi tupao guakapi pegua iyɨ́vɨri rupi, metei ñavo vae ibandera oïa pe, iñemuña reta ipɨte pe.

3Kuaraɨ oëa kotɨ toyembojeyupa opaete Judá ibandera ndive ñogüɨnoi vae reta; jae reta juvicha ko Naasón, Aminadab taɨ;

4isundaro reta oyepapa setenta y cuatro mil seisciento.

5Jae reta iyɨpɨ pe toyembojeyupa Isacar iñemuña reta; jae reta juvicha ko Natanael, Zuar taɨ;

6isundaro reta oyepapa cincuenta y cuatro mil cuatrociento.

7Jare Zabulón iñemuña reta toyembojeyupa vi jae reta ndive; jae reta juvicha ko Eliab, Helón taɨ;

8isundaro reta oyepapa cincuenta y siete mil cuatrociento.

9Jökorai Judá jeyupa pe opaete oyepapagüe reta ñogüɨnoi ciento ochenta y seis mil cuatrociento, ñogüɨnoi mboapɨ yemboyao, jae reta toguata Israel iñemuña reta jenonde.

10Arayevɨ kotɨ toyembojeyupa opaete Rubén ibandera ndive ñogüɨnoi vae reta; jae reta juvicha ko Elisur, Sedeur taɨ;

11isundaro reta oyepapa cuarenta y seis mil quiniento.

12Jae reta iyɨpɨ pe toyembojeyupa Simeón iñemuña reta; jae reta juvicha ko Selumiel, Zurisadai taɨ;

13isundaro reta oyepapa cincuenta y nueve mil tresciento.

14Jare Gad iñemuña reta toyembojeyupa vi jae reta ndive; jae reta juvicha ko Eliasaf, Reuel taɨ;

15isundaro reta oyepapa cuarenta y cinco mil seisciento cincuenta.

16Jökorai Rubén jeyupa pe opaete oyepapagüe reta ñogüɨnoi ciento cincuenta y un mil cuatrociento cincuenta, ñogüɨnoi mboapɨ yemboyao, jae reta toguata tenonde yogüɨraja vae reta jaɨkue.

17Jaɨkue rupi toguata Leví iñemuña reta güɨraja reve tupao guakapi pegua, jókuae irundɨ teyupa reta ipäu pe, oñesɨro ñogüɨnoi rami kavi. Jökorai irundɨ teyupa toguata metei ñavo ibandera jupíe.

18Kuaraɨ oikea kotɨ toyembojeyupa opaete Efraín ibandera ndive ñogüɨnoi vae reta; jae reta itenondegua ko Elisama, Amiud taɨ;

19isundaro reta oyepapa cuarenta mil quiniento.

20Jae reta iyɨpɨ pe toyembojeyupa Manasés iñemuña reta; jae reta itenondegua ko Gamaliel, Pedasur taɨ;

21isundaro reta oyepapa treinta y dos mil dosciento.

22Jare Benjamín iñemuña reta toyembojeyupa vi jae reta ndive; jae reta itenondegua ko Abidán, Gedeoni taɨ;

23isundaro reta oyepapa treinta y cinco mil cuatrociento.

24Jökorai Efraín jeyupa pe opaete oyepapagüe reta ñogüɨnoi ciento ocho mil cien, ñogüɨnoi mboapɨ yemboyao, jae reta toguata mboapɨa pe.

25Ɨvɨtuguasu kotɨ toyembojeyupa opaete Dan ibandera ndive ñogüɨnoi vae reta; jae reta itenondegua ko Ahiezer, Amisadai taɨ;

26isundaro reta oyepapa sesenta y dos mil seteciento.

27Jae reta iyɨpɨ pe toyembojeyupa Aser iñemuña reta; jae reta itenondegua ko Pagiel, Ocrán taɨ;

28isundaro reta oyepapa cuarenta y un mil quiniento.

29Jare Neftalí iñemuña reta toyembojeyupa vi jae reta ndive; jae reta itenondegua ko Ahira, Enán taɨ;

30isundaro reta oyepapa cincuenta y tres mil cuatrociento.

31Jökorai Dan jeyupa pe opaete oyepapagüe reta ñogüɨnoi ciento cincuenta y siete mil seisciento, ñogüɨnoi mboapɨ yemboyao, jae reta toguata taɨkue ete ibandera ndive.”

32Kuae reta ko jae Israel iñemuña reta güi oyepapagüe, metei tu ñavo rupi, opaete teyupa ñavo rupi oyepapagüe jae ko seisciento tres mil quiniento cincuenta.

33Ërei Leví iñemuña reta mbaetɨ oyepapa jëtara reta ndive, Israel iñemuña reta, yandeYa oyókuai Moisés vae rami.

34Oyapo Israel iñemuña reta opaete mbaembae yandeYa oyókuai Moisés vae rami; jökorai oyembojeyupa reta ibandera ñavo rupi, jare jökorai vi oguata reta, tëtara ñavo rupi jare metei tu ñavo rupi.