1Saúl1 S 31. imano jaɨkue rupi, David oyerova ye omoamɨri güire Amalec iñemuña reta1 S 30. yave, opɨta mókoi ara Siclag pe.
2Mboapɨa ara pe, ou metei kuimbae Saúl jeyupa güi, jemimonde opa ipächa jare iñäka ɨvɨ katuai ipɨatɨtɨ güi; ou oväe David oïa pe yave, oyetavatɨka itindɨasɨ ɨvɨ re omboete reve.
3Jare David oparandu chupe ketɨ güi ra ou vae. Jayave jókuae kuimbae jei:
—Israel iñemuña reta jeyupa güi ko atekuarai.
4Jare David jei chupe:
—¿Maratu pa? ¡Emombeu cheve!
Jare jókuae kuimbae jei:
—Sundaro reta opa otekuarai ñeraroa güi, jeta vi omano. ¡Saúl omano vi taɨ Jonatán ndive!
5David jei jókuae kunumi imiari oï chupe vae pe:
—¿Kërai pa reikuaa Saúl omano ko taɨ Jonatán ndive vae?
6Jare jókuae kunumi imiari oï chupe vae jei:
—Jese katu che aï ɨvɨtɨ Gilboa pe yave aecha Saúl oyeko oï imii re, jare tovaicho kavayu regua reta oupitɨta ete ma.
7Jare omae jaɨkue kotɨ yave chereecha jare chereenɨi, jare che jae: “¡Ko aï!”
8Oparandu cheve, kia ra che vae; jare che amombeu chupe Amalec iñemuña pegua ko vae.
9Jayave oiporu cheve aya vaerä jese jare ayuka vaerä, echa omombeu okɨɨye yae ko vae; yepe tëi oikoveño oï.
10Jayave aya jese jare ayuka, echa aikuaa mbaetɨta oikove ñamɨri güire. Jare ko aru ndeve1 S 31.1-6; 1 Cr 10.1-6. iñäka-regua jare iyɨva regua.
11Jayave David jare jae ndive kuimbae reta ñogüɨnoi vae omondoro reta jemimonde ipɨatɨtɨ güi,
12oäpiro reta Saúl jare taɨ Jonatán, jare tëta Israel yandeYa imbae ñamɨri vae; ipɨatɨtɨ jare oyekuaku reta tembíu güi kaaru regua.
13David oparandu körai jókuae kunumi ou imiari chupe vae pe:
—¿Ketɨgua pa nde?
Jare jae jei:
—Amalec iñemuña pegua ko che.
14Jare David jei chupe:
—¿Maera pa mbaetɨ reipoɨu reyuka yandeYa jembiparavo?
15Jayave David oenɨi metei isundaro jare jei chupe:
—¡Eyuka!
Jare jae oikutu jare oyuka,
16David jei ramboeve chupe:
—Nde aeño ndereko ndeyeupe kuae nemano re, echa nde aeño reyemombeu, reyuka ko yandeYa jembiparavo vae.
David oäpiro Saúl jare Jonatán17David otairari oäpiro reve mbɨatɨtɨ ndive Saúl jare taɨ Jonatán;
18jei oyemboeuka vaerä opaete vae Judá pegua reta kuae tairari mbɨatɨtɨ pegua re. Jókuae oime oyekuatía oï tembikuatía JaserJos 10.13. pe, körai:
19“¡Israel! ¡Ñamɨri ndeyemboetea ndeɨvɨtɨ reta re!
¡Ñamɨri kuimbae ñeraro regua reta!
20Agüɨye pemoërakua tëta GatMiq 1.10. pe
agüɨye pemoërakua tëta Ascalón joka guasu rupi,
agüɨye vaerä oyerovia filisteo ikuña reta,
agüɨye vaerä opɨrae oyerovia güi itumpa-raanga pota vae reta tayɨ reta.
21¡Ɨvɨtɨ reta Gilboa pegua,
agüɨye ye toa peré ɨsápɨi ani ama yepe, agüɨye toime mbaagüɨyerɨpɨ!
Echa joko pe opa oyemombo ñeraro regua reta iyeopiaka.
Saúl iyeopiaka mbaetɨ asaite pe oyepichɨ rami ñamɨri.
22Saúl jare Jonatán ikɨsepuku ani juvɨ reta mbaetɨi
güɨroyerova reta ye yepi omopöembae reve ñeraro regua reta jugüɨgüe pe.
23Saúl jare Jonatán aaɨu vae reta,
jekove pe ani mano pe ave yepe mbaetɨ oyomboyao reta oyougüi.
¡Güɨraké güi iñäkua yae reta yepi!
¡Yaguapope güi ipɨ̈rata yae reta yepi!
24¡Kuña Israel pegua reta,
peäpiro Saúl,
jae pemboemimonde yepi temimonde pɨ̈taasɨ vae pe jare lino oyeambae pegua pe,
jae omopöra yepi peremimonde reta oro pe!
25¿Maera ra omano ñeraro pe jëia vae reta?
¡Jonatán omano ɨvate vae ndeɨvɨtɨ re!
26¡Chepɨatɨtɨ yae aï nderé,
cherɨvɨ Jonatán!
¡Nde cheraɨu yae ko!
Ndeporoaɨu oasa ikavi kuña reta iporoaɨu güi.
27¿Maera ra opa omano jëia vae reta?
¡Opa okañɨtei tembiporu ñeraro pegua reta!”
Who We AreWhat We EelieveWhat We Do
2025 by iamachristian.org,Inc All rights reserved.
