1CheRu Tumpa, chepɨa-kɨ̈reɨ ngatu aï,
¡tatairari, tairari salmo reta!
Jókuae ko jae cheyemboete.
2Pepa, ngitara jare arpa;
¡tapüa köe jembipe ma ou yave!
3Tamee mbaemboete ndeve cheYa,
opaete vae reta ipɨte rupi,
tatairari salmo reta ndeve tëtaguasu reta rupi.
4Echa, ndeporoparareko tuicha yae ko ara güi.
¡Neñee añetete vae, ojoi ko oya ara re!
5¡CheRu Tumpa, ndetuicha yae ko ara reta güi;
ndeyemboetea tɨnɨe ko ɨvɨ!
6Oasayepe vaerä nderembiaɨu reta,
orereroasayepe ndembaepuere rupi.
¡Eendu cheve cheYa!
7Tumpa jei jo mbaemboetea güi:
“¡Ayerovia reve amboyaota Siquem,
ajäata ɨvɨtɨ päu ipe kavi vae Sucot!
8Chembae ko Galaad jare Manasés;
Efraín ko cheäka-ɨru jiero pegua rami,
Judá jae ko chepopoka mborookuai pegua rami;
9Moab, jae ko cheyepoekarɨru rami;
Edom re amombota chepɨapaa;
¡aporomoamɨri güi asapukaita filisteo reta re!”
10¿Kia pa chererajata tëta guasu oñekëse kavi vae kotɨ?
¿Kia pa chererajata Edom kotɨ?
11Echa nde, cheRu Tumpa, oremombo,
¡mbaetɨ ma reo oresundaro reta ndive!
12Oremborɨ orerovaicho reta re,
echa kuimbae iporomborɨ mbaeä etei ko.
13Tumpa iporomborɨ rupi yayapota mbae tuichagüe;
¡jae ko omoamɨrita yanderovaicho reta!
Who We AreWhat We EelieveWhat We Do
2025 by iamachristian.org,Inc All rights reserved.
