1Josafat omano yave oñotɨ iñemuñagüe David Jëta guasu pe, jare taɨ Joram oguapɨ jekovia pe mburuvicha guasurä.
2Joram tɨvɨ reta jae ko: Azarías, Jehiel, Zacarías, Azarías, Micael jare Sefatías. Opaete kuae reta jae ko Josafat mburuvicha guasu Judá pegua taɨ reta.
3Tu yepe jeta yae ombopota reta mbae oro pegua pe, korepoti pegua pe, jare mbaembae jepɨ vae pe, jare tëta guasu reta jëguambae Judá pegua pe, ërei mborookuaía omee Joram pe, echa jae ko taɨrɨpɨ.
4Ërei Joram oï kavi ma tu iguapɨa pe mburuvicha guasurä yave, opa oyuka kɨsepuku pe tɨvɨ reta jare amogüe Israel pegua mburuvicha reta.
5Treinta y dos año güɨnoi yave omboɨpɨ oï mburuvicha guasurä jare oiko mburuvicha guasurä juri año Jerusalén pe.
6Jare omomoe mburuvicha guasu reta Israel pegua jeko, jare Acab iñemuña reta jeko; echa omenda kuña Acab iñemuña pegua ndive, oyapo ikavimbae yandeYa jóvai.
7Ërei yandeYa mbaetɨ oipota opa omboai David iñemuña reta, echa oyapo morogüɨrökuavee päve David ndive jare iñemuña reta ndive yogüɨreko avei vaerä tembipe rami.
8Joram oiko mburuvicha guasurä yave, Edom pegua reta oñemopüa Judá
16Jayave yandeYa omboarasɨuka Joram kotɨ filisteo reta jare Arabiaɨgua reta yogüɨreko Etiopíaɨgua reta iyɨpɨ pe vae.
17Oporepeña reta Judá re jare opɨ̈ro iɨvɨ, jare güɨraja opaete mburuvicha guasu imbaembae reta jo iporookuaía pegua, taɨ reta jare jembireko reta. Jaeñoete opɨta taɨ taɨkuegua ete Joacaz.
18Opaete kuaekuae reta jaɨkue rupi yandeYa oiporarauka chupe mbaerasɨ okuerambae pe ichuri pe.
19Oasa ara reta, jare mókoi añoa pe ichuri reta oë, ichuri pe imbaerasɨ jeko pegua omanoasɨ katu yae. Javoi mbaetɨ oapɨ reta chupe ikäti kavi vae incienso omboete vaerä, iñemuñagüe reta pe oapɨ rami.
20Treinta y dos año güɨnoi yave omboɨpɨ oiko mburuvicharä, jare juri año oiko mburuvicharä Jerusalén pe. Omano yave mbaetɨ kia oäpiro. Jare oñotɨ reta David Jëta guasu pe, ërei mbaetɨ mburuvicha guasu reta jɨvɨa renda pe.
Who We AreWhat We EelieveWhat We Do
2025 by iamachristian.org,Inc All rights reserved.
