1YandeYa jei Moisés pe:
2“Eyókuai Israel iñemuña reta körai: Peike ma ɨvɨ Canaán pe yave, jókuae ɨvɨ jae ko pembaerä, köraita jókuae ɨvɨ jembeɨ:
3Arayevɨ kotɨ, ñuu Zin güive ojoita oväe ɨvɨ Edom jembeɨ re; kuae oyemboɨpɨta arayevɨ kotɨ güi, Ɨguasu Jembochɨ vae güi kuaraɨ oëa kotɨ,
4kuae jembeɨ oasata arayevɨ kotɨ güi Acrabim kotɨ yayeupía rupi, jare oasata Zin rupi, jare ojota oväe Cades-barnea pe. Javoi oasata Hasar-adar rupi, oasata Asmón kotɨ,
5jare Asmón güi oasata ɨ̈aka raɨ oï ɨvɨ Egipto jembeɨ pe vae kotɨ, joko güi ojo oa Ɨguasu Mediterráneo jee vae re.
6Jare ɨvɨ jembeɨ kuaraɨ oikea kotɨgua, jae ko Ɨguasu Mediterráneo jee vae.
7Jare ɨvɨ jembeɨ ɨvɨtuguasu kotɨgua köraita: Pembojaangata Ɨguasu Mediterráneo jee vae güive ɨvɨtɨ Hor kotɨ,
8jare ɨvɨtɨ Hor güi pembojaangata Hamat pe yaikea pe, jare joko güi tojo toväe Zedad pe;
9Zedad güi ojota Zifrón rupi, ojota oväe Hazar-enán pe.
10Jare ɨvɨ jembeɨ kuaraɨ oëa kotɨgua pembojaangata Hazar-enán güive Sefam kotɨ,
11jare joko güi perogüeyɨta Ribla rupi, Aín güi kuaraɨ oëa kotɨ rupi; joko güi perogüeyɨta Ɨguasu Cineret jee vae jembeɨ kuaraɨ oëa kotɨ rupi,
12jare oasata ɨ̈aka Jordán rupi Ɨguasu Jembochɨ vae kotɨ.
Kuae ko jae peɨvɨ jembeɨrä.”
Ɨvɨ oyemboyao13Moisés oyókuai Israel iñemuña reta körai:
“Kuae ɨvɨ jae ko pemboyao vaerä peyeupe suerte rupi vae, yandeYa oporookuai oñemee vaerä chau ñemuña reta jare Manasés iñemuña reta oyemboyaogüe kuae pe ñogüɨnoi vaeNm 26.52-56. pe,
14-15echa mókoi ñemuña jare metei ñemuña oyemboyao vae oime ma güɨnoi reta iɨvɨ imbaerä, Jordán güi kuaraɨ oëa kotɨ, Jericó jóvai.Jos 14.1-5. Jae ko Rubén jare Gad iñemuña reta, jare Manasés iñemuña reta oyemboyaogüe.”
16Jare yandeYa jei Moisés pe:
17“Kuae jae ko jókuae ɨvɨ omboyaota peve vae reta jee: Sacerdote Eleazar jare Josué Nun taɨ.
18Ërei peiparavo vi metei mburuvicha ñemuña ñavo güi omboyao vaerä ɨvɨ.
19Jókuae kuimbae reta peiparavota vae jee jae ko:
Judá iñemuña reta güi Caleb, Jefone taɨ.
20Simeón iñemuña reta güi Semuel, Amiud taɨ.
21Benjamín iñemuña reta güi Elidad, Quislón taɨ.
22Dan iñemuña reta güi mburuvicha Buqui, Jogli taɨ.
23José taɨ reta güi: Manasés iñemuña reta güi mburuvicha Haniel, Efod taɨ;
24jare Efraín iñemuña reta güi mburuvicha Kemuel, Siftán taɨ.
25Zabulón iñemuña reta güi mburuvicha Elizafán, Parnac taɨ.
26Isacar iñemuña reta güi mburuvicha Paltiel, Azán taɨ.
27Aser iñemuña reta güi mburuvicha Ahiud, Selomi taɨ.
28Neftalí iñemuña reta güi mburuvicha Pedael, Amiud taɨ.”
29Kuae reta yandeYa oyókuai omboyao vaerä ɨvɨ Israel iñemuña reta pe imbaerä, ɨvɨ Canaán pe.
Who We AreWhat We EelieveWhat We Do
2025 by iamachristian.org,Inc All rights reserved.
