1YandeYa oenɨi Moisés, jare jei chupe tupao guakapi pegua güi:
2“Ere Israel iñemuña reta pe: Kia nunga vae omee yave cheve mbota jɨmba reta güi, tomee guaka reta güi, vecha reta güi ani kavara reta güi.
3Güeru yave mɨmba oyeyuka opaetei oyeapɨ vaerä vae; togüeru toroLv 22.18-20. jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.
4Jare toñono ipo jókuae mɨmba oyeyukata vae iñäka re, jare jese cheɨ̈rota chupe iyoa re.
5Jayave toñaseokɨ̈ti toro taɨrusu vae cheróvai; jare sacerdote reta, Aarón taɨ reta tomee mɨmba jugüɨgüe, jare toñapiramo reta mɨmba oyeyuka oyeapɨ jese vae iyɨke yɨke re, tupao guakapi pegua jöke pe oï vae.
6Jare tomboi jókuae mɨmba oyeyukagüe, jare tomboyao iyoapɨa rupi kavi,
7jare sacerdote Aarón taɨ reta tomoendɨ tata mɨmba oyeyuka oyeapɨ jese vae re, jare iárambo toñono kavi reta yepea,
8jare toñono kavi reta oyemboyao yaogüe, iñäkagüe jare ichuri kɨragüe yepea re, jókuae yepea oïta tata pe mɨmba oyeyuka oyeapɨ jese vae re vae.
9Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.
10Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.
11Jare toñaseokɨ̈ti mɨmba oyeyuka oyeapɨ jese vae güi ɨvɨtuguasu kotɨ cheróvai; jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.
12Tomboyao iyoapɨa rupi kavi, iñäkagüe, ichuri kɨra reta ndive; jare sacerdote toñono kavi yepea re, jókuae yepea oïta tata pe mɨmba oyeyuka oyeapɨ jese vae re vae.
13Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.
14Ërei kia nunga güeru yave güɨra mbotarä cheve, togüeru pɨkasui ani pɨkasutï.
15Jare sacerdote toñäka mondoo, toapɨ iñäkagüe mɨmba oyeyuka oyeapɨ jese vae re, jare toitɨami jugüɨgüe mɨmba oyeyuka oyeapɨ jese vae iyɨke re.
16Toavoo jare toekɨ iyachuai jare tomombo mɨmba oyeyuka oyeapɨ jese vae güi kuaraɨ oëa kotɨ, tanimbu oyemomboa pe.
17Jare toipeka ikupepɨte rupi ipepo reta ipäu rupi, ërei agüɨye tomboyao oyougüi; jare sacerdote toapɨ mɨmba oyeyuka oyeapɨ jese vae re, yepea oï tata pe vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.
Who We AreWhat We EelieveWhat We Do
2025 by iamachristian.org,Inc All rights reserved.
