1Is-boset, Saúl taɨ oikuaa omano ko Abner Hebrón pe yave, ipɨa kɨɨye yae opɨta, jaeramiño vi opaete Israel pegua reta.
2Jare kuae Is-boset, güɨnoi mókoi kuimbae, imonda vae reta juvicha; metei jee Baana, ïru jee Recab, jae ko Rimón, Beerot pegua taɨ reta; Benjamín iñemuña pegua reta, echa tëta Beerot oï Benjamín iñemuña reta iɨvɨ pe,
3echa Beerot pegua reta opa ko otekuarai tëta Gitaim kotɨ, jare yogüɨreko reta joko pe ketɨgua rami añave regua.
4Jonatán, Saúl taɨ güɨnoi metei taɨ oguatambae,2 S 9.3. jee Mefi-boset. Echa Mefi-boset pandepo año güɨnoi yave, jërakua omano Saúl jare taɨ Jonatán Jezreel pe vae yave iyangarekoa kuña ovoɨ jare otekuarai; ërei iyandeko otekuarai jeko pegua oitɨ jare opɨta oguatambae.
5Recab jare Baana, Rimón Beerot pegua taɨ reta opa yogüɨraja Is-boset jëta kotɨ, jare araku jeiete yae pe opa yogüɨraja reta oväe Is-boset jo pe, jare jae oime oke oï.
6Jare kuña öke iyangarekoa oitɨo oiko trigo, ërei oke yepe; Recab jare tɨvɨ Baana oike reta o pe mbaetɨ reve kia oecha.
7Oike reta o pe yave oecha Is-boset oke oï jupa pe; oyuka jare oyasɨa reta iñäka güɨraja chugüi, jare iköe oguata reta jókuae pɨ̈tu tape ojo Arabá rupi vae rupi,
8jare güɨraja reta Is-boset iñäkagüe David pe Hebrón pe, jei reta körai chupe:
—Oreruvicha guasu, ko rogüeru ndeve Is-boset iñäkagüe, nderovaicho Saúl oipotase tëi ndeyuka vae taɨ. Ërei yandeYa oyepɨ añave ndeve Saúl re jare iñemuña reta re.
9Jare David jei Recab jare tɨvɨ Baana, Rimón Berot pegua taɨ reta pe:
—Tae peve yandeYa jee re, jae chereepɨ opaete mbɨatɨtɨ reta güi;
10jare metei oyemongeta ikaviecha oyapo ou yave omombeu cheve Saúl imano regua yave, che aipɨɨ jare ayukauka Siclag2 S 1.1-16. pe jókuae güeru omoërakua cheve vae re.
11¡Vɨtei pa pe reta, kuimbae jeko kavimbae reta, peyuka jo pe ae jare oke oï yave metei kuimbae jekombae vae! Jáeramo, ¡amboepɨukata ko peve imano! ¡Opata pomokañɨtei kuae ɨvɨ güi!
12Jare jupiveiño David oyókuai jembiokuai reta, jare jae reta opa oyuka; oyasɨa reta ipo jare ipɨ chugüi reta jare ombosagüɨu ɨrɨru iyɨpɨ pe Hebrón pe. Javoi oipɨɨ reta Is-boset iñäkagüe jare oñotɨ reta Hebrón pe, Abner jɨvɨa oïa pe.
Who We AreWhat We EelieveWhat We Do
2025 by iamachristian.org,Inc All rights reserved.
