1Araɨgua reta, pemboete yandeYa,
pemboete imbaepuere jare iyemboetea.
2Pemboete yandeYa, jee imboetea yae vae,
pemboete yandeYa o
ombaemboetea ipöra yae vae pe.
3YandeYa iñee oyeendu ɨguasu iárambo,
Tumpa iyemboetea vae jɨapu;
¡yandeYa oï ɨguasu reta iárambo!
4YandeYa iñee oyeendu tätagüe,
yandeYa iñee oyeendu mbaepuere yae ndive.
5YandeYa iñee oyoka ɨ̈vavira reta,
opa oyoka yoka ɨ̈vavira reta Líbano pegua.
6Omokana ɨvɨtɨ Líbano jare Sirión;
omochäguariko toro jare guaka raɨ reta rami.
7YandeYa iñee omombo tataendɨ,
8YandeYa iñee omokana ñuu;
yandeYa omokana ñuu Cades pegua.
9YandeYa iñee opa omboakambɨsoro ɨvɨra reta encina jee vae,
oasavi opɨta kaa reta.
Itupao pe opaete vae omboete.
10YandeYa güɨnoi mbaepuere güeru vaerä ɨporu guasu;
¡yandeYa oiko mburuvicha guasurä jekuae avei pegua!
11YandeYa omeeta mbaepuere imbae vae reta pe;
yandeYa omeeta mbɨakatu pegua mborerekua imbae vae reta pe.
Who We AreWhat We EelieveWhat We Do
2025 by iamachristian.org,Inc All rights reserved.
