CANTARES 8 - Guarani Bible with DC

1¡Mbae mona nde chekɨvɨ eterä reiko,

jókuae chesɨ ombokambu vae!

Jökorai yave, roövaitía rupi rovapɨteta jare ngaraa kia opuka cheré;

2rogüɨrajata viña chesɨ jo pe,

amaeñota reike viña jare chemboe.

Che ameeta viña reu vino ikavigüe

jare granada ia tɨgüegüe.

3¡Iyasu pe tacheako,

javoi iyakatu pe tacheküava!

4¡Kuñatai reta Jerusalén pegua,

pomoñera agüɨye vaerä pemomba aaɨu vae, pemaeño toke pɨagüive jae oipota regua!Ovaa tairariCoro:

5¿Kia pa kuae ñuu kotɨ güi ou vae,

iñäka omboyeko ou, oaɨu vae iyatiɨ re vae?

Kuimbae:

Ɨvɨra manzana igüɨ pe romomba;

joko pe ndesɨ imembɨrasɨ,

joko pe ndesɨ oyekuaku, jare rea.

Kuña:

6Cherenoi avei ndepɨa pe,

¡ndeyɨva reikuatía rami!

Echa mboroaɨu, ipɨ̈rata yae ko mano rami;

tägüɨro, ñamomɨimbae ko tëogüe-rɨru rami.

¡Mboroaɨu, tata jendɨ rami ko!

7Opaete ɨ reta, ngaraai ipuere ombogüe mboroaɨu;

ɨ̈aka reta ave ngaraai ombogüe.

Kia omee yave opaete imbaeyekou mboroaɨu re,

oyeyoyaiuka vaeräño ko.

Coro:

8Yandereindɨ raɨ ndei vɨteri ikambusu.

¿Mbae ra yayapota yandereindɨ raɨ pe,

yogüeru yave oporopɨɨ jese?

9Tëta ikësearä oiko yave,

ñamopüata viña jese o korepoti pegua;

ökerä oiko yave,

ñañovata viña ɨ̈vɨrare pe.

Kuña:

10Che ko jae, tëta ikësea,

jare chekambɨ reta ko maeka ɨvate vae rami.

Jáeramo, jae omae cheré,

kia oväe mbɨakatu rami.

11Salomón güɨnoi iuvarupa Baal-hamón pe.

Oeya oyangareko vae reta ipo pe;

metei ñavo mil reare korepoti pegua güeruta jepɨgüe iagüe re.

12¡Cheuvarupa chembae ko, che aeño ayangareko vaerä jese!

Jókuae mil reare korepoti pegua vae,

toï ndembaeräño Salomón, jare dosciento, omaangareko vae reta peguarä.

Kuimbae:

13¡Nde, ko raɨ peño reiko vae,

emaeño taendu neñee!

¡Cheïru reta oipota ndereendu,

eenduka chupe reta neñee!

Kuña:

14¡Aaɨu vae, ndeandeko,

esɨi guasu ani guasukaka taɨrusu vae rami,

ɨvɨtɨ reta ipiche kavi vae rupi rami!