1Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.
Pablo oyerovia Corintoɨgua reta jeko oeya vae re2Peikuaauka oreve kërai ko oreraɨu. Ore mbaetɨ etei royapo ikavimbae vae kia pe. Mbaetɨ etei rogüɨrokomegua kia ave. Mbaetɨ vi kia rombotavɨ.
3Kuae mbaetɨ jae peve pomboeko vaerä. Echa che jae ma peve kërai ore pogüɨnoi avei orepɨa pe, yaikove ani ñamano regua.
4Chemiari kavi ko peve aipoɨumbae reve; ayemboete yae peré. Chepɨakatu yae jare ayerovia yae aï, opaete yaiporara yae vae ipɨte pe.
5Echa Macedonia pe2 Co 2.13. royu roväe güive, mbaetɨ etei roputuu, jaeño roiporara yae opaete mbae; ikatu güi, ñeraro reta; japɨpe pe, kɨɨye reta.
6Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;
7jare orepɨakatúä Tito ou oväe orépɨri vae reño. Orepɨakatu yae vi roikuaa yave kërai pe reta pembopɨakatu Tito. Omombeu vi oreve cheraɨu yae vae, cheräpiro jare peyemoambeko cheré vae. Jare, jókuae chemboyerovia yae.
8Yepe tëi pombopɨatɨtɨ aikuatía peve vae rupi, ërei jaekaviño yepe, yepe tëi aikuatía ramo yave chepɨatɨtɨ; ërei añave aecha jókuae tupapire pembopɨatɨtɨ michi peguaño,
9añave ayerovia. Ërei mbaetɨ ayerovia pepɨatɨtɨ ramoño. Echa pepɨatɨtɨ, peeya vaerä peyemongeta ikavimbae vae pepɨa pe oï vae. Echa pepɨatɨtɨ Tumpa jemimbota rupi. Oreä ko royapo mbae ikavimbae vae peve.
10Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.
11Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.
12Aikuatía peve yave, mbaetɨ aikuatía ikavimbae vae oyapo vae jeko peguaño, jare mbaetɨ vi aikuatía ikavimbae vae oyeapo chupe vae jeko peguaño, aikuatía ko peikuaa vaerä kërai ko ore royemoambeko peré Tumpa jovake vae.
13Jáeramo orepɨakatu peyembopɨakatu vae re.
Ërei royerovia yae Tito oyerovia vae re, echa kërai pemoäta ngatu yae.
14Echa chemiari kavi Tito pe peré vae re mbaetɨ chemara. Opaete roe peve vae añete ko. Jaeramiño vi Tito oikuaa ma añete ko jókuae che jae chupe peregua vae.
15Jare Tito peraɨu yae ma. Echa imaendúa kërai peyapo jae peokuai yave vae re, jare kërai pemboresive kavi pemboete reve jare peñemomichi reve.
16¡Ayerovia yae, chepuere ma pogüɨrovia katu vae re!
Who We AreWhat We EelieveWhat We Do
2025 by iamachristian.org,Inc All rights reserved.
