1Agüɨye pemee yandeYa pe, toro ani vecha kuimbae taɨrusu vae mbae oata chupe vae ani oikomegua vae, echa pɨ̈chɨi yae ko yandeYa Tumpa pe jókuae nunga.
2Kia nunga tëta yandeYa Tumpa omee pevea pe oime yave kuimbae ani kuña oyapo ikavimbae yandeYa Tumpa jóvai, oyavɨ morogüɨrökuavee päve kotɨ yave
3omboete yave oyetavatɨka reve tumpa-raanga, kuaraɨ, yasɨ ani opaete ara ipo reta yandeYa oyopia vae,
4jókuae jërakua yave peve, peparandu kavi jese, jare añete ko jókuae pɨ̈chɨi yae vae oime peɨvɨ pe yave,
5peraja tëta guasu jöke pe kuimbae ani kuña ikavimbae oyapo vae, jare peyapi ita pe,
8Oime yavai yae teko pejäa vaerä yave, yoyuka regua, ñeapo regua, yombopere regua, ani ïru mbae perëta pe oasa vae. Jayave pepüa jare pekua yandeYa Tumpa oiparavo jee oïta pɨpea pe,
9pekua sacerdote Leví iñemuña pɨri, jare oporojäa vae reta jókuae ara ñogüɨnoi joko pe vae pe peparandu, jare jae reta pemboeta kërai peyapo vaerä.
10Javoi peyapo opaete jae reta jei peve rami.
11Mborookuai reta re pemboe rami, jare morojäa kërai peyapo vaerä pemboe rami peyapo, agüɨye peipoepɨ kërai ave yepe.
12Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.
13Opaete vae oendu kuae yave, oipoɨuta jare ngaraa ma oyapo oyembotuicha reve.
Mburuvicha guasu regua mborookuai14Peike ma yave yandeYa Tumpa omee ɨvɨ pevea pe, pepɨ̈ro jare peiko ma pɨpe yave, güɨramoi pere: ‘Ñañono vi metei mburuvicha guasu, yandeyeupe,
18Mburuvicha guasu oyemboguapɨ ma yave, tomoapɨtauka iyeupe mborookuai reta oyeapo vae güi sacerdote Leví iñemuña reta oyangareko jese vae.
19Togüɨnoi iyeupe omongeta avei vaerä ara ñavo, oikuaa vaerä oipoɨu yandeYa Tumpa güi, jare oñovatu vaerä opaete mborookuai reta oyeapogüe, jare oyapo vaerä jeigüe.
20Jökorai agüɨye vaerä ipɨa ombotuicha yae jëtaɨgua reta pe, jare agüɨye vaerä opia mborookuai jei vae güi, jökorai oiko puku vaerä jae jare taɨ reta iporookuaía pe, Israel iñemuña reta ipɨte pe.
Who We AreWhat We EelieveWhat We Do
2025 by iamachristian.org,Inc All rights reserved.
