NEHEMÍAS 12 - Guarani Bible with DC

Sacerdote reta jare ïru levita reta

1Kuae ko jae sacerdote reta jare ïru levita reta, oyerova ye Zorobabel, Salatiel taɨ ndive vae jare Jesúa ndive vae reta.

Sacerdote reta güi: Seraías, Jeremías, Esdras,

2Amarías, Maluc, Hatús,

3Secanías, Rehum, Meremot,

4Iddo, Gineto, Abías,

5Mijamín, Maadías, Bilga,

6Semaías, Joiarib, Jedaías,

7Salú, Amoc, Hilcías jare Jedaías. Jae kuae reta sacerdote jare jëtara reta juvicha, Jesúa sacerdote tenondegua oiko yave.

8Jare ïru levita reta güi: Jesúa, Binúi, Cadmiel, Serebías, Judá jare Matanías, kuae reta ñogüɨnoi oporombotairari vaerä tairari mbaemboete pegua re;

9Bacbuquías jare Uni, jare jëtara reta, metei ñavo iparavɨkɨ ae ae pe.

10Jesúa jae Joiacim tu, Joiacim jae Eliasib tu, jare Eliasib jae Joiada tu;

11Joiada jae Jonatán tu, Jonatán jae Jadúa tu.

12Joiacim sacerdote tenondegua oiko yave, tëtara ñavo sacerdote tenondegua reta jae ko: Seraías jëtara reta güi Meraías; Jeremías jëtara reta güi Hananías;

13Esdras jëtara reta güi Mesulam; Amarías jëtara reta güi, Johanán;

14Melicú jëtara reta güi Jonatán; Sebanías jëtara reta güi José;

15Harim jëtara reta güi Adna; Meraiot jëtara reta güi Helcai;

16Iddo jëtara reta güi Zacarías; Ginetón jëtara reta güi Mesulam;

17Abías jëtara reta güi Zicri; Miniamín güi; Moadías jëtara reta güi Piltai;

18Bilga jëtara reta güi Samúa; Semaías jëtara reta güi Jonatán;

19Joiarib jëtara reta güi Matenai; Jedaías jëtara reta güi Uzi;

20Salai jëtara reta güi Calai; Amoc jëtara reta güi Eber;

21Hilcías jëtara reta güi Hasabías; Jedaías jëtara reta güi Natanael.

22Eliasib, Joiada, Johanán jare Jadúa sacerdote tenondegua yogüɨreko yave, tëtara ñavo tenondegua reta levita reta jare sacerdote reta jee oyekuatía, Darío Persia pegua oiko regua mburuvicha guasu.

23Jare ïru Leví iñemuña reta, jëtara itenondegua reta jee oyekuatía metei tembikuatía pe, opaño mbaembae oasa vae oï pɨpe vae pe, jókuae ojoi oupitɨ Johanán, Eliasib taɨ oiko yave.

24Levita tenondegua reta güi jae ko: Hasabías, Serebías, Jesúa jare Cadmiel jare jëtara reta ñogüɨnoi jae reta ndive ombaemboete jare oyerure vaerä Tumpa pe, metei ñavo oäro mbae ara pe ra oyeokuaita vae, David, Tumpa jembiokuai oeya mborookuai rami.

25Jare öke reta iyangarekoa reta jae ko: Matanías, Bacbuquías, Obadías, Mesulam, Talmón jare Acub.

26Kuae reta yogüɨreko Joiacim, Jesúa taɨ jare Josadac jɨmɨmino sacerdote tenondegua yogüɨreko yave, jare mburuvicha Nehemías jare sacerdote Esdras mborookuai re oporomboe vae yogüɨreko yave.

Tëta guasu ikësea oñeñono tee Tumpa peguarä

27Tëta guasu Jerusalén ikësea oñeñono tee vaerä Tumpa peguarä yave, oekauka reta opaete levita reta ketɨ ketɨ ñogüɨnoia kotɨ güi, yogüeru vaerä Jerusalén pe oyapo reta jókuae ñeñono tee, jare arete mbaemboete pegua tairari ndive, tembiporu reta tairari pegua platillo, ngitara jare arpa raɨ reta ndive.

28Jare oyemboatɨ levita otairari vae reta, opaete jókuae Jerusalén iyɨ́vɨri rupigua jare Netofaɨgua reta,

29jare Gilgal güi, Geba jare Azmavet iyɨvɨrigua tëta raɨ raɨ kotɨ güi; echa otairari vae reta oyapo jëtarä Jerusalén iyɨ́vɨri rupi.

30Jayave oyetɨo Tumpa jóvai sacerdote reta jare levita reta. Javoi oitɨo reta vi opaete vae reta Tumpa jóvai, jaeramiño vi öke reta jare tëta guasu ikësea.

31Javoi amboyeupiuka mburuvicha Judá pegua reta tëta guasu ikësea iárambo, jare añono mókoi atɨ jetagüe otairari vae reta, yogüɨraja vaerä tenonde; metei atɨ yogüɨraja iyakatu kotɨ, öke Ɨtɨapɨ Röke jee vae kotɨ.

32Jare jae reta jaɨkue ojo Osaías, mbɨte mburuvicha reta Judá pegua ndive, jae reta ko

33Azarías, Esdras, Mesulam,

34Judá, Benjamín, Semaías jare Jeremías.

35Jare sacerdote reta güi yogüɨraja jae reta ndive jemimbɨguasu reve reve vae, jae ko: Zacarías, Jonatán taɨ, Jonatán jae ko Semaías taɨ, Semaías jae ko Matanías taɨ, Matanías jae ko Micaías taɨ, Micaías jae ko Zacur taɨ, Zacur jae ko Asaf taɨ;

36jare jëtara reta Semaías, Azarael, Milalai, Gilalai, Maai, Natanael, Judá jare Hanani, jae reta ombopu tembiporu tairari pegua reta David Tumpa jembiokuai oporookuai rami. Jare Esdras mborookuai re oporomboe vae ojo jae reta jenonde.

37Jare öke Ɨrɨru Röke jee vae iárambo re katu, oyeupi reta yeupika rupi, tëta guasu ikësea oyeupía rupi, David jo re katu, ojoi oväe reta öke Ɨ Röke jee vae pe, kuaraɨ oëa kotɨ.

38Jare jókuae ïru atɨ otairari vae reta yogüɨraja iyakatu kotɨ. Jare che aja jae reta jaɨkue rupi ïru reta ndive tëta guasu ikësea iárambo rupi, maeka Horno reta jee vae güive tëta guasu ikësea ipɨguasúa pe,

39jare oasa reta öke Efraín jee vae rupi, Ökeɨma rupi jare Pira Röke rupi, maeka Hananeel jee vae rupi, maeka Hamea jee vae rupi, jare öke Vecha Röke rupi; jare yogüɨraja oväe Tembipɨɨrɨru Röke pe.

40Javoi jókuae mókoi atɨ reve otairari vae reta opa yogüɨraja oväe Tumpa jo pe; jare ore rojo vi roväe jókuae mbovɨ mburuvicha yogüɨreko cherupíe vae reta ndive.

41Jare sacerdote mimbɨguasu omoñee vae reta, jae ko: Eliacim, Maaseías, Miniamín, Micaías, Elioenai, Zacarías jare Hananías,

42Maasías, Semaías, Eleazar, Uzi, Johanán, Malquías, Elam jare Ezer. Jare otairari vae reta otairari täta, Izrahías jae ko oporombotairari vae.

43Jókuae ara omee reta jeta mɨmba oyeyukagüeEsd 6.17. Tumpa peguarä, jare oyerovia yae reta, echa Tumpa omee yerovia katu chupe reta; oyerovia vi kuña reta jare michia reta; jare jókuae yerovia katu oï Jerusalén pe vae matɨ oyeendu.

Sacerdote jare levita reta jou vaerä

44Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

45Echa jae reta oyeokuai Tumpa pe tupao guasu pe jare omee reta vi mɨmba oyeyukagüe mbaeyoa oyemboai vaerä, tupao guasu pe otairari vae reta1 Cr 25.1-8. jare öke iyangarekoa reta ndive,1 Cr 26.12. David jare taɨ Salomón iporookuai jei rami.

46Echa arakae David jare Asaf yogüɨreko güive voi ma oimese yepi otairari vae reta itenondegua, oime vaerä tairari mbaemboete pegua jare oñemee yasoropai Tumpa pe.

47Zorobabel jare Nehemías yogüɨreko ramboeve, opaete vae reta omee tembíu ara ñavo otairari vae reta pe, jare öke iyangarekoa reta pe; jare omee reta vi levita reta pe, chupegua retarä vae, jare levita reta omee yoapɨ ye joko güi jëtara Aarón iñemuña sacerdote reta pe.