SAN MATEO 20 - Guarani Bible with DC

Uvarupa pe oparavɨkɨ vae reta

1“Echa araɨgua mborookuaía metei ko iya ndeimboveasɨ oë oeka oparavɨkɨ vae reta, iuvarupa pe omombaravɨkɨ vaerä vae rami ko.

2Jare opɨta omboepɨ vaerä metei denario metei ara oparavɨkɨ vae reta pe. Javoi omondo reta oparavɨkɨ iuvarupa pe.

3Jayave ko iya oë ye ora chauta ma yave, jare oecha mbovɨ reta ñogüɨnoiiño oka guasu pe iparavɨkɨmbae.

4Jayave ko iya jei chupe reta: Pe reta pekua vi peparavɨkɨ cheuvarupa pe. Jare amboepɨ kavita peve. Jayave jae reta yogüɨraja.

5Ko iya jekuae oë ye kuaraɨ ara mbɨte ma yave, jare ora mboapɨa ma kaaru yave, omondo vi iuvarupa pe oparavɨkɨ reta vaerä.

6Jekuae ko iya oë ye ora pandepota ma kaaru yave, jare oecha ïru vae reta ñogüɨnoiiño iparavɨkɨmbae. Jayave jei chupe reta: ¿Maera pa peïiño kuae pe opaete ara peparavɨkɨmbae reve?

7Jare jae reta jei: ‘Mbaetɨ kia oremombaravɨkɨ ramo.’

Jayave ko iya jei chupe reta: ‘Pe reta pekua vi peparavɨkɨ cheuvarupa pe. Amboepɨ kavita peve.’

8Kuaraɨ oike ma yave, ko iya jei jembiokuai opaete imbaembae iyangarekoa pe: Eenɨi oparavɨkɨ vae reta jare emboepɨ chupe reta.

10Jare tenonde ete omboɨpɨ oparavɨkɨ vae reta yogüeru yave, ipɨa pe oyemongeta omboresiveta jeta katu. Ërei omboresive reta vi metei denarioño ïru reta rami.

11Oecha yave metei denarioño omboresive, iñeengeta reta ko iya pe,

12jei reve: ‘Kuae taɨkue rupi omboɨpɨ oparavɨkɨ vae reta metei oraño oparavɨkɨ. Ërei remboyovakeño ore ndive remboepɨ chupe reta, ore yepe tëi roparavɨkɨ täta kuaraɨ jasɨ reve.’

13Ërei ko iya jei metei vae pe: ‘Chevɨa-ïru, mbaetɨ ko ayapo jupimbae ndeve. Echa yapɨta ko amboepɨ vaerä ndeve metei denario.

14Ekua, eraja jókuae remonganagüe. Che amboepɨta kuae taɨkue ete omboɨpɨ oparavɨkɨ vae pe, ndeve amboepɨ rami.

15Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

16Jökorai Tumpa ombotaɨkuetaMt 19.30; Mc 10.31; Lc 13.30. oyembotuicha vae reta, jare ombotenondeta oñemomichi vae reta. Echa jeta ko oñeenɨi vae, ërei mbovɨño oyeparavo vae.”

Jesús jekuae omombeu ye omanota ko vae(Mc 10.32-34; Lc 18.31-34)

17Jare Jesús Jerusalén kotɨ ojo ramboeve, oenɨi ïkotɨa jókuae doce jemimboe reta ïru reta ipɨte güi, jare jei chupe reta:

18—Mase, ko yaja Jerusalén kotɨ. Jare che Kuimbaerä ayeapo vae chemeeta sacerdote reta itenondegua reta jare mborookuai re oporomboe vae reta ipo pe vae, jare jae reta jeita amano vaerä,

19jare chemeeta judiombae vae reta ipo pe. Jae reta cheyóyai yoyaita, chenupata retata chikote pe, jare chekutu retata kurusu re. Ërei mboapɨ araa pe aikove yeta.

Santiago jare Juan oiporu vae(Mc 10.35-45)

20Jayave ou Jesús oïa pe Zebedeo jembireko imembɨraɨe reta ndive, oyetavatɨka itindɨasɨ reve Jesús jóvai oiporu reve mbae chupe.

21Jare Jesús oparandu kuña pe:

—¿Mbae pa reipota?

Kuña jei:

—Emee kuae mókoi chemembɨraɨe reta pe oguapɨ vaerä ndeɨpɨ pe ndeporookuaía pe; metei ndeakatu kotɨ jare ïru ndeasu kotɨ.

22Jayave Jesús jei chupe reta:

—Mbaetɨ peikuaa mbae peiporu vae. ¿Pepuereta pa peiporara che aiporarata vae? ¿Pepuereta pa peyembobautisauka che ayembobautisaukata rami?

—Orepuereta ko —jei reta.

23Jare Jesús jei chupe reta:

—Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

24Jare ïru payandepo Jesús jemimboe reta kuae oendu yave, pochɨ reta jókuae oyotɨvɨ vae reta kotɨ.

25Ërei Jesús oenɨi jei reta.

—Pe reta peikuaa ko mburuvicha ɨvɨ pegua reta güɨnoi mbaepuere iɨvɨ pegua reta re.

26Ërei pe reta ndive mbaetɨta jökorai.Lc 22.25-26. Oime yave kia pepɨte pe oï vae oipota tuichagüe oiko vae, toyeokuai ïru reta pe.

27Jare oime yave kia pepɨte pe oï vae oipota tenondeguarä oiko vae, toyeokuai ïru reta pe.Mt 23.11; Mc 9.35; Lc 22.26.

28Echa che Kuimbaerä ayeapo vae ayu ayeokuai vaeräLc 22.27; Jn 13.12-15. ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

Mókoi jesambae reta okuera(Mc 10.46-52; Lc 18.35-43)

29Ñogüɨnoe yogüɨraja yave tëta guasu Jericó güi, jeta vae yogüɨraja Jesús jaɨkue.

30Jare mókoi jesambae oguapɨ ñogüɨnoi tape jembeɨ pe vae, oendu reta Jesús oasa jokoropi yave, osapúkai reve jei reta:

—¡OreYa, David Taɨ, oreparareko!

31Jare jeta vae reta oñeengata chupe reta omokïrii vaerä. Ërei jae reta jeiete osapúkai reve jei:

—¡OreYa, David Taɨ, oreparareko!

32Jayave Jesús oyemboɨ, jare oenɨi jókuae jesambae vae reta. Jei chupe reta:

—¿Mbae pa peipota ayapo peve?

33—OreYa, roipota romae —jei reta.

34Jayave Jesús oiparareko reve omae jese reta opoko jesa re chugüi reta, jare jupiveiño mókoi reve omae reta, jare yogüɨraja Jesús jupíe.