1Kuae ɨvɨ ko jae Manasés iñemuña reta omboresive suerte rupi vae; Manasés jae ko José taɨrɨpɨ. Maquir jae ko Manasés taɨrɨpɨ, jae ko Galaad tu. Maquir ko kuimbae ñeraro regua, omboresive iɨvɨrä Galaad jare Basán ɨ̈aka Jordán güi kuaraɨ oëa kotɨ.
2Oyeapo vi suerte ɨvɨ oyemboyao vaerä ïru Manasés iñemuña reta peguarä, jëtara ñavo rupi: Abiezer taɨ reta, Helec taɨ reta, Asriel taɨ reta, Siquem taɨ reta, Hefer taɨ reta jare Semida taɨ reta; jae ko kuae Manasés taɨ reta, José jɨmɨmino reta.
3Ërei Zelofehad, Hefer taɨ Galaad jɨmɨmino, Maquir taɨ Manasés jɨmɨmino mbaetɨ taɨ, jaeño oime pandepo tayɨ, jae ko Maala, Noa, Hogla, Milca jare Tirsa.
4Kuae reta yogüeru sacerdote Eleazar jare Josué, Nun taɨ jóvai jare mburuvicha reta jóvai, jei reta: “YandeYa oyókuai Moisés omee vaerä oreve ɨvɨ orerëtara reta pe oñemee rami.”José iñemuña reta opɨ̈ro kaa
14Jare José iñemuña reta jei Josué pe:
—¿Maera pa michi yae ɨvɨ remboyao oreve? Echa ore jeta yae ko roiko, yandeYa iporerekua ko oreré.
15Jare Josué jei chupe reta:
—Pereta yae ko yave, pekua kaa kotɨ jare peitɨ ɨvɨra reta jókuae ferezeo reta jare refaita reta iɨvɨ pe, Efraín iñemuña reta iɨvɨ michi ko peve yave.
16Jare José iñemuña reta jei:
—Ngaraa kuae ɨvɨ oreave; jare opaete cananeo reta ɨvɨpe kavi rupi yogüɨreko vae reta güɨnoi käretou jiero pegua, Bet-seán jare tëta raɨ reta rupi yogüɨreko vae jare ɨvɨtɨ päu Jezreel rupi yogüɨreko vae.
17Jayave Josué jei José iñemuña reta pe, jae ko Efraín jare Manasés iñemuña reta:
—Pereta yae ko, jare pembaepuere yae; ngaraa michi ɨvɨ penoi,
18jókuae ɨvɨ pembaerä ko; yepe tëi ɨvɨra katuai, pe opata peitɨ jare pepɨ̈rota pembaerä opaetei; echa opata pemoë pemombo cananeo reta, yepe tëi käretou jiero pegua güɨnoi reta ani imbaepuere yae reta tëi reve.
Who We AreWhat We EelieveWhat We Do
2025 by iamachristian.org,Inc All rights reserved.
