1Israel iñemuña reta jei yepe Tumpa jee re Mizpa pe, agüɨye vaerä tayɨ reta omaeño omenda Benjamín iñemuña pegua reta ndive.
2Ërei oyemboatɨ reta Bet-el pe jare ñogüɨnoi reta Tumpa jóvai pɨ̈tu regua, jäse reve oyaeo jare jei reta:
3“¡OreYa, Israel iTumpa! ¿Maera pa ko kuae oasa ore ndive? ¿Maera pa oatata metei ñemuña Israel iñemuña reta ipɨte pe?”
4Pɨareve pe Israel iñemuña reta opüa ndeimboveasɨ, oyapo reta mɨmba oyeyuka oyeapɨ jese vae jare omee reta mɨmba oyeyukagüe opaetei oyeapɨ vae jare mbota yembopɨakatu pegua.
5Jare oparandu reta oyoupe: “¿Kia pa yandegüi reta mbaetɨ oï yandepɨte pe yayemboatɨ yave Mizpa pe?” Echa jei reta, añetete oyukata jókuae mbaetɨ oï yemboatɨa pe vae.
6Ipɨatɨtɨ yae Israel iñemuña reta, jëtara Benjamín iñemuña reta ndive oasa vae re, jare jei reta: “Kuae ara okañɨ Israel iñemuña reta ipɨte güi metei ñemuña.
7¿Mbae pa yayapota yandepuere vaerä ñaväe kuña Benjamín iñemuña reta oimeño oikove vae reta peguarä? Echa yande reta yae ma Tumpa jee re agüɨye vaerä yanderayɨ reta omenda jae reta ndive.
8¿Oime pa kia nunga Israel iñemuña pegua mbaetɨ ojo yandeYa jóvai Mizpa pe yandeatɨ yave vae?”
Jayave imaendúa reta Jabes-galaad pegua reta mbaetɨ metei ave yogüɨraja yemboatɨa pe vae re,
9echa tee reta oenɨi yave, mbaetɨ etei oyekuaa kia jee jókuae tëta pegua.
10-11Jayave opaete vae omondo doce mil kuimbae jëia vae reta oyuka vaerä kɨsepuku pe Jabes-galaad pegua reta, oyuka vi michia reta jare kuña reta, oasa ma kuimbae ndive vae reta.
12Jare Jabes-galaad pegua reta ipɨte pe oväe reta cuatrociento kuñatai ndeiño etei oasa kuimbae ndive vae, jare güeru reta teyupa oï Silo pe, ɨvɨ Canaán pe.
13Jayave opaete vae reta, omondo oikuaauka Benjamín iñemuña reta ñogüɨnoi ɨ̈vavira Rimón pe vae pe, jare oparea chupe reta yogüeru vaerä iñɨ̈ro chupe reta.
14Benjamín iñemuña reta yogüeru, jare Israel iñemuña pegua reta omee chupe reta kuña reta Jabes-galaad güi güerugüe. Ërei mbaetɨ oupitɨ opaete peguarä.
15Jare Israel iñemuña reta pegua reta pe paravete Benjamín iñemuña reta, echa yandeYa omboai metei ñemuña Israel iñemuña reta güi.
16Jayave tëta pegua tenondegua vae reta jei: “¿Kërai pa yandepuereta ñaväe kuña jókuae oata vae reta peguarä? Echa opa ko omano ikuña reta.
17Benjamín agüɨye tokañɨ Israel iñemuña ipɨte güi, jókuae oasayepe vae reta rupi, toime Benjamín iñemuña reta Israel iñemuña ipɨte pe.
18Ërei yande mbaetɨ yandepuere yanderayɨ reta ñamee jembireko retarä; echa opaete yande Israel iñemuña, ñañererökuavee Tumpa jee re agüɨye vaerä ñamee yanderayɨ reta Benjamín iñemuña reta pe, kia omee Benjamín iñemuña reta jembirekorä vae, toiporara.
19Ërei ngatu oime año ñavo arete tuicha vae oyeapo Silo
Who We AreWhat We EelieveWhat We Do
2025 by iamachristian.org,Inc All rights reserved.
