1YandeYa oupita Elías metei kusumirou pe ara kotɨ yave, Elías, Eliseo ndive yogüeru yogüɨreko Gilgal kotɨ güi.
2Elías jei Eliseo pe:
—Epɨta kuae pe, echa yandeYa chemondo Bet-el kotɨ.
Ërei Eliseo jei chupe:
—YandeYa jee re jare nderee re, ¡ngaraa roeya!
Jayave yogüɨraja päve reta Bet-el kotɨ.
3Ërei Bet-el pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe:
—¿Reikuaa pa añave yandeYa oupita ndegüi ndemboea vae?
Eliseo jei:
—Jäa, aikuaa. ¡Pekïrii!
4Jaɨkue rupi Elías jei Eliseo pe:
—Epɨta kuae pe, echa yandeYa chemondo Jericó kotɨ.
Ërei Eliseo jei chupe:
—YandeYa jee re jare nderee re, ¡ngaraa roeya!
Jayave yogüɨraja päve reta Jericó kotɨ.
5Ërei Jericó pe ñeemombeúa reta yogüɨreko vae ñogüɨnoe Eliseo oövaiti, jare jei reta chupe:
—¿Reikuaa pa añave yandeYa oupita ndegüi ndemboea vae?
Eliseo jei:
—Jäa, aikuaa. ¡Pekïrii!
6Javoi Elías jei chupe:
—Romoñera repɨta vaerä kuae pe, echa yandeYa chemondo ɨ̈aka Jordán kotɨ.
Ërei Eliseo jei chupe:
—YandeYa jee re jare nderee re, ¡ngaraa roeya!
Jare yogüɨraja päve reta.
7Jayave yogüeru cincuenta ñeemombeúa reta, jare oyemboɨ reta mombɨrɨ jenonde kotɨ; Elías jare Eliseo oyemboɨ ɨ̈aka Jordán jembeɨ pe.
8Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.
9Oasa reta ma yave Elías jei Eliseo pe:
—Eiporu mbae reipota ayapo ndeve vae, ndei ayererajauka ndegüi mbove.
Eliseo jei:
—Romoñera che apɨta vaerä nderekovia pe.
10Javoi Elías jei chupe:
—Mbae yavai yae vae etei reiporu. Chereecha ayererajauka ndegüi yave, oyeapota jökorai ndeve; ërei mbaetɨ yave, ngaraa.
11Imiari yogüɨraja yogüɨreko ramboeve, ko metei käretou tata katuai vae, kavayu reta tata katuai vae ndive ombosɨrɨ oyougüi; jare Elías oyeupi ara kotɨ metei kusumirou pe.
12Kuae oecha Eliseo yave, osapúkai: “¡Cheru, cheru, nde reiko ɨvɨ Israel peguarä sundaro reta imbaepuere yae vae rami!”
Jare mbaetɨ ye ma oecha.
Jayave Eliseo oipɨɨ jemimonde omondoro mókoi yemboyao pe.
13Jaɨkue rupi oupi Elías güi jemimonde iarambogua oa vae, jare oyerova ye ou, jare oyemboɨ ɨ̈aka Jordán jembeɨ pe.
14Jare oipɨɨ jókuae temimonde iarambogua oiporu ɨ re, jare jei: “¿Ketɨ pa aipo reï cheYa, Elías iTumpa?”
Jökorai oiporu jese rupive, ɨ oyemboyao oyougüi, jare Eliseo oasa jokoropi.
15Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!”
Jayave yogüeru oövaiti reta, jare oyetavatɨka itindɨasɨ reta jóvai,
16jare jei reta chupe:
—Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe.
Ërei Eliseo jei chupe reta:
—Agüɨye pemondo metei ave.
17Jae reta jeta yae ma omoñera Eliseo ramo, jei chupe reta:
—Pemondo.
Jayave omondo reta cincuenta kuimbae, jare oeka reta mboapɨ ara rupi, ërei mbaetɨ oväe reta chupe.
18Jayave opa ye oyerova Jericó kotɨ, Eliseo opɨtaa pe, jare jei chupe reta.
—Che jae yeyé peve tëi agüɨye vaerä peo.
Eliseo oipoano Jericó pegua ɨ19Jare jókuae tëta guasu pegua kuimbae reta jei Eliseo pe:
—Mase, kuae tëta guasu oï kavi yae tëi ko, nde reecha rami; ërei ɨ jare ɨvɨ ikaviä ko.
20Jayave Eliseo jei:
—Peru cheve metei tasa guasu ipɨau vae, jare peñono pɨpe yukɨ.
Jare güeru reta chupe.
21Jayave Eliseo ojo ɨesaɨ oïa pe jare oitɨ pɨpe yukɨ, jei reve:
—Körai jei yandeYa: “Che ambokavi kuae ɨ, jare ngaraa ye ma kuae ɨ oporoyuka jare oporomombaerasɨ.”
22Jókuae güire ikavi opɨta ɨ añave rupi, Eliseo jei rami.
23Javoi Eliseo ojo joko güi Bet-el kotɨ, jare tape rupi ma ojo oiko yave ñogüɨnoe chupe tëta guasu pegua kunumi reta, jare oyóyai yóyai reta jei reta reve: “¡Iñäka raambae, eyeupi! ¡Iñäka raambae, eyeupi!”
24Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.
25Javoi Eliseo ojo ɨvɨtɨ Carmelo kotɨ, joko güi oyerova ye Samaria kotɨ.
Who We AreWhat We EelieveWhat We Do
2025 by iamachristian.org,Inc All rights reserved.
