1Kuae ñee añete ko: Oime yave kia oipota oiko oporogüɨrovia vae reta itenondeguarä vae, mbaravɨkɨ ikavi vae ko oipota.
2Ërei ikavi ko oporogüɨrovia vae reta itenondegua re agüɨye oñeväe teko, meteiño tijembireko, agüɨyeta jei jeiiño, toyeandu katu, toyapo ikavi vae, tomboresive katu mboupa, toikatu toporomboe;
3agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.
4Togüɨroata kavi opaete jo pegua reta, toyemboeteuka imichia reta pe jupi rupi kavi.
5(Echa mbaetɨ oikatu güɨroata jo pegua reta yave, ¿këraita pa oikatu güɨroata Tumpa re güɨrovia vae reta?)
6Jare agüɨye toyeparavo oporogüɨrovia ramo vae, echa güɨramoi oyembotuichata, jare oa aña guasu oa vae pe.
7Jaeramiño vi tijërakua kavi oporogüɨroviambae vae reta pe, agüɨye vaerä imboetea poi jare oa aña guasu iñuai pe.Oporogüɨrovia vae reta imborɨa kërai oyeparavo vaerä
8Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;
9toñovatu jókuae añete vae yaikuaa yarovia vae re, jare toiko oyemongeta kavi reve.
10Tenonde ete toñejäa räri, jare mbaetɨ teko oñeväe jese yave ipuere oike oporomborɨ vaerä.
11Jökoraiño vi kuña reta toiko reta jupi rupi, agüɨye tiporoangaose, agüɨyeta jei jeiiño, opaete pe tijupi.
12Oporogüɨrovia vae reta imborɨa reta meteiño tijembireko, togüɨroata kavi taɨ reta jare jo pegua reta.
13Echa kuae reta oyeokuai kavi yave Tumpa pe, oyemboeteuka yaeta, jare ipuere oiko ipɨakatu kavi reve Cristo Jesús re güɨrovia vae rupi.
Añetegüe Tumpa re yarovia vae regua14Ayemongeta ɨmambaeño aja vaerä ndépɨri. Ërei kuae mbaembae re aikuatía ndeve,
15echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.
16Añete ñanemopɨakañɨ yae ko kuae añetegüe Tumpa re yarovia vae:
Tumpa oyeapo kuimbaerä,
Espíritu Santo oikuaauka jae ko jupi vae.
Araɨgua reta oecha.
Jërakua opaete judiombae reta pe.
Ɨvɨ pegua reta güɨrovia jese.
Jare Tu omboresive ye ara pe.
Who We AreWhat We EelieveWhat We Do
2025 by iamachristian.org,Inc All rights reserved.
