1 PEDRO 3 - Guarani Bible with DC

Omenda vae reta kërai yogüɨreko vaerä

1Jaeramiño vi pe kuña reta peikoEf 5.22; Col 3.18. peme reta jeia re, jökorai yave, güɨroviambae Tumpa iñee vae reta ipuere güɨrovia pereko rupi, oyemombeumbae reve chupe reta.

2Oecha yave pereko reta jupi, jare peporomboete.

3Peyemboete reta agüɨye kia oecha vaeräño, peñemopöra oro pe vae, ani temimonde jepɨ yae vae,1 Ti 2.9.

4jaeño tipöra peɨvɨte, pepɨa pe, oikomeguambae vae pe. Ñemomichi pe jare mbɨakatu pe, kuae ko ikavi yae Tumpa pe.

5Echa jökorai tenondegua kuña oñeñono tee vae reta oñemopöra, güɨrovia Tumpa re vae reta, yogüɨreko reve ime reta jeia re.

6Sara oiko Abraham jeia re rami, jei reve chupe: “Cheya.”Gn 18.12. Pe reta ko jae imemɨkuña reta peyapo yave ikavi vae, pekɨɨyembae reve mbaembae güi.

7Jaeramiño vi pe kuimbae reta, peiko perembireko ndive pearakuaa reve kavi,Ef 5.25; Col 3.19. pemboete reve vaso tätambae rami, jae reta vi ko güɨnoi tekove pe reta rami, peyerure reta agüɨye vaerä güɨnoi yemboavai.

Yemongeta ikavigüe

8Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,

9ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

10Echa jei:

“Kia oipota oaɨu yave tekove jare oecha ara ikavigüe vae,

ikü togüɨroyeandu ikavimbae güi,

jare agüɨye toporombotavɨ.

11Tosɨrɨ ikavimbae güi, jare toyapo ikavi vae,

tipɨakatu avei opaete vae ndive.

12Echa yandeYa oyangareko jupi vae reta re,

jare oyeapɨsaka avei oï iyerure reta re;

ërei yandeYa iyarasɨ ko ikavimbaeSal 34.12-16. vae oyapo vae reta kotɨ.”

13¿Kia pa oyapota ikavimbae vae peve, peyapo avei yave ikavi vae?

14Ërei peiporara yave jupigüe peyapo vae re, peyerovia.Mt 5.10. Jáeramo agüɨye pekɨɨye chugüi reta ani peyembojopa.

15Pemboete yandeYa Tumpa pepɨa pe.Is 8.12-13. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,

16peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

17Echa ikavi ko peiporara ikavi vae peyapo reve, Tumpa oipota yave, ikavimbae peyapo vae re peiporara vae güi.

18Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

19Jare espíritu rupi ojo omoërakua omanogüe reta tembipɨɨ rami ñogüɨnoi vae pe.

20Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepeGn 6.1—7.24. ɨ güi.

21Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

22Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.