ROMANOS 16 - Guarani Bible with DC

Tamaraeme reta

1Poyókuai yandereindɨ Febe re. Jae ko oyeokuai ïru oporogüɨrovia vae Cencrea pegua reta pe vae.

2Pemboresive kavi yandeYa jee re, jupi ko körai oyapo vaerä oporogüɨrovia vae reta. Jare pemborɨ, opaño mbaembae pe, echa jae omborɨ jeta vae, jare chemborɨ vi.

3Pemee tamaraeme Priscila jare Aquila.Hch 18.2. Cristo Jesús iparavɨkɨ pe chemborɨ vae reta;

4jae reta oñemoëgua mano pe chereepɨ vaerä. Jáeramo cheñoä amee yasoropai chupe reta, opaete judiombae vae oporogüɨrovia vae reta vi omee yasoropai chupe reta.

5Pemee vi tamaraeme oporogüɨrovia vae reta oyemboatɨ Priscila jare Aquila jo pe vae. Pemee vi tamaraeme cherɨvɨ Epeneto pe. Jae ko jae räri güɨrovia Cristo re Acaya pe vae.

6Jaeramiño vi tamaraeme toï María, kërai jae oparavɨkɨ täta pepɨte pe.

7Jaeramiño vi tamaraeme toï Andrónico jare Junias. Jae reta ko cherëtaɨgua reta, yogüɨrekose tembipɨɨrɨru pe che ndive vae. Imboetea yae temimondo reta ipɨte pe vae, jae reta ko güɨrovia Cristo re ndei che arovia mbove vae reta.

8Jaeramiño vi tamaraeme toï Amplias. Aaɨu yandeYa jee re vae.

9Jaeramiño vi tamaraeme toï Urbano. Cristo Jesús iparavɨkɨ pe oremborɨ vae. Jare vi cherɨvɨ Estaquis.

10Tamaraeme vi Apeles. Iporogüɨrovia Cristo re oyekuaa ikavi vae. Tamaraeme toñogüɨnoi Aristóbulo jo pegua reta.

11Tamaraeme vi toï cherëtaɨgua Herodión. Jaeramiño vi Narciso jo pegua oporogüɨrovia vae reta.

12Tamaraeme vi toñogüɨnoi Trifena jare Trifosa. Jae reta oparavɨkɨ ñogüɨnoi yandeYa peguarä. Tamaraeme vi toï yandereindɨ Pérsida. Jae vi oparavɨkɨ täta yandeYa peguarä.

13Tamaraeme vi toï yandeYa jembiparavo RufoMc 15.21. jare ichɨ. Jare ichɨ oyangareko kavi cheré chesɨ rami vae.

14Tamaraeme vi toñogüɨnoi Asíncrito, Flegonte, Hermas, Patrobas, Hermes jare opaete cherɨvɨ reta ñogüɨnoi jae reta ndive vae.

15Jaeramiño vi tamaraeme toñogüɨnoi Filólogo, Julia, Nereo, Nereo jeindɨ, Olimpas jare opaete oporogüɨrovia vae reta ñogüɨnoi jae reta ndive vae.

16Peyapo maraetei oyoupe peyovapɨte jare peyomboete reve kavi. Omondo tamaraeme peve opaete oporogüɨrovia Cristo re vae reta.

17Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

18Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

19Peñeereendu jërakua opaete vae pe. Jáeramo ayerovia peré. Aipota pearakuaa peyapo vaerä ikavi vae, ërei agüɨye pearakuaa katu peyapo vaerä ikavimbae;

20jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

21TimoteoHch 16.1. chemborɨ vae jare cherëtara Lucio, Jasón jare Sosípater omondo tamaraeme peve.

22Che Tercio, oikuatía kuae tupapire vae amondo vi tamaraeme peve yandeYa jee re.

23GayoHch 19.29; 1 Co 1.14. omondo vi peve tamaraeme, aiko jo pe vae jare opaete oporogüɨrovia vae reta oyomboatɨ jo pe vae. Omondo vi peve tamaraeme Erasto,2 Ti 4.20. tëta guasu pegua korepoti iñovatúa. Jare yanderɨvɨ Cuarto vi.

24YandeYa Jesucristo ipɨakavi toï opaete pe reta ndive. Amén.

Mbaemboete Tumpa pe

25Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

26Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

27Tumpa jaevaeño jare yarakuaa yae vae toyemboeteuka jekuae avei pegua Jesucristo rupi. ¡Amén!