SAN JUAN 2 - Guarani Bible with DC

Metei menda Caná pegua

1Mboapɨa ara pe oyeapo menda Caná, Galilea pegua pe. Jesús ichɨ oï joko pe.

2Jare oparea reta vi Jesús pe jare jemimboe reta pe.

3Vino opa ma yave, Jesús ichɨ jei chupe pe:

—Opa ma vino chugüi reta.

4Jesús jei:

—Kuña, ¿maera pa rere cheve kuae? Ndei vɨteri ko oväe cheara.

5Jayave Jesús ichɨ jei tembiokuai reta pe:

—Peyapo opaete mbae jae jei peve vae.

6Joko pe oï ova tinaa tuicha vae ita pegua. Judío reta jeko oyepoe pɨpe vae. Metei ñavo jókuae tinaa tuicha vae tɨnɨe pandepo ɨru pe.

7Jesús jei tembiokuai reta pe:

—Pemotɨnɨe tinaa tuicha vae reta ɨ pe.

Jayave jae reta omotɨnɨeasɨ.

8Jesús jei chupe reta:

—Añave peyara peraja tembiokuai ruvicha pe.

Jare jökorai oyapo reta.

9Oyeokuai vae reta juvicha jou jókuae ɨ vinorä oyeapo vae, oikuaambae reve kia güi ra güeru jou vae, ërei tembiokuai reta oikuaa kia güi ko oyara ɨ vae. Jayave tembiokuai ruvicha oenɨi omenda vae.

10Jei chupe:

—Opaete vae arete pe oporoëɨ vino ikavi vae pe räri. Javoi jeta ma vino jou reta yave ramo güɨnoe chupe reta vino ikavi nungambae. Ërei nde añave ramo renoe vino ikavi yae vae.

11Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

12Kuae jaɨkue rupi Jesús ojo Capernaum pe.

18Jayave judío reta oparandu Jesús pe:

—¿Mbae nunga mɨakañɨ pa reechaukata oreve roikuaa vaerä oime ra renoi mbaepuere kuae reyapo vaerä?

19Jesús jei chupe reta:

—Pembosururu kuae tupao, che amopüa yeta koMt 26.61; 27.40; Mc 14.58; 15.29. mboapɨ ara pe.

20Jayave judío reta jei:

—Cuarenta y seis año pe opa oyeapo kuae tupao. ¿Remopüa yeta ra nde mboapɨ ara pe?

21Ërei Jesús imiari chupe reta jete re, tupao re rami.

22Jáeramo Jesús oikove ye omanogüe reta ipɨte güi yave, jemimboe reta imaendúa kuae jei vae re. Javoi güɨrovia reta Tumpa Iñee re jare Jesús jei chupe reta vae re.

Jesús oikuaa opaete vae

23Jesús oï ramboeve Jerusalén pe arete Pascua pe, jeta vae güɨrovia jese oecha yave jókuae mɨakañɨ reta oyapo vae.

24Ërei Jesús mbaetɨ güɨrovia añetete ko kuae reta iporogüɨrovia. Echa jae oikuaa kavi ko opaete vae.

25Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.