1CheYa Tumpa, nde remae kavi cheré, jare chekuaa;
2nde reikuaa kavi opaete ayapogüe,
mombɨrɨ güi nde reikuaa cheyemongeta.
3Reikuaa opaete kërai aiko vae,
¡reikuaa opaete ayapogüe!
4Ndei cheñee amoë mbove,
nde cheYa, opa ma reikuaa.
5Opaete cheɨ́vɨri rupi ko reï,
ndeporoangareko rupi ko cherereko.
6Jókuae arakuaa katu chemopɨakañɨ yae,
¡tuicha yae, mbaetɨ chepuere aikuaa!
7¿Ketɨ pa ajata ndeEspíritu güi?
¿Ketɨ pa atekuaraita ndegüi?
8Ayeupi ara pe yave,
joko pe reï nde;
agüeyɨ omanogüe reta ñogüɨnoia pe yave,
joko pe reï nde.
9Aja kuaraɨ oëa kotɨ yave,
ani aja aiko ɨguasu jembeɨ jovaicho pe yave,
10joko pe ave nde cheangarekota,
¡chepokota ndeakatu pe!
11Jae yave: “¡Tañemi chugüi pɨtumimbía pe!”
Pɨ̈tu ave jembipeta cheɨ́vɨri rupi.
12Pɨtumimbi ave mbaetɨ ipuere cheomi ndegüi,
pɨ̈tu jembipe ara pe rami ndeve.
¡Pɨ̈tu jare ara oyovakeño ko ndeve!
13Nde ko cheapo;
nde ko cheapo chesɨ jɨe pe.
14Romboeteta, echa tuichagüe nderembiapo reta jare oporomopɨakañɨ yae.
Chepɨakañɨ yae.
¡Opaete jókuae re aikuaa kavi yae!
15Cherete mbaetɨ oñeomi ndegüi;
yepe tëi mbaetɨ kia oikuaa ayeapo vae,
ayeapouka ramboeve matɨ ɨvɨgüɨ pe rami.
16Nde chereecha ayeapo ramo etei yave;
ndetupapire pe oyekuatía oï opaete jókuae,
jare ou opa ma oyeapo yave,
mbaetɨ etei mbae oata.
17¡CheRu Tumpa!
Ndeyemongeta reta tuicha yae ko cheve,
¡opa rapeä ko aikuaa!
18Aipapa yave, jeta yae ɨvɨkuitï ɨguasu jembeɨ rupigua güi;
jare apa yave, jekuaeño aï nde ndive.
19CheRu Tumpa, eyuka iyoa vae reta,
embosɨrɨ chegüi oporoyuka vae reta,
20echa jei reta mbae ikavimbae ndekotɨ;
nderovaicho reta oenɨi raangaiño nderee.
21CheYa Tumpa,
¿amotareɨä pa nemotareɨ vae reta?
¿Jare aröɨroä pa opüa nderé vae reta?
22¡Amotareɨ ko opaete chepɨa ndive!
¡Añono reta ko cherovaichorä!
23CheRu Tumpa, emae kavi cheré,
eikuaa chepɨa;
chejäa, jare eikuaa cheyemongeta reta,
24emae, ¿oime ra ikavimbae cheré?
Chereroata tape opambae vae rupi.
Who We AreWhat We EelieveWhat We Do
2025 by iamachristian.org,Inc All rights reserved.
