1Che ko jae mbaepotɨ ɨvɨpe kavi
Sarón pegua,
ɨvɨtɨ päu ipe kavi vae reta rupi tüpa-ɨpɨ ipotɨ rami.
Kuimbae:2Tüpa-ɨpɨ ipotɨ, yuu pɨte pe oï rami,
jökorai ko aaɨu vae, kuñatai reta ipɨte pe.
Kuña:3Ɨvɨra pɨte pe temitɨ manzana oï rami ko,
aaɨu vae, kunumi reta ipɨte pe.
¡Iküaraɨa kavi pe aguapɨ!
¡Iagüe jëe ngatu yae cheve!
4Chereraja aretea pe,
jare omae cheré mboroaɨu reve.
5¡Chemongaru uva oñemotinigüe pe,
chemomɨ̈rata manzana pe,
echa amanota ma roaɨu güi!
6¡Iyasu pe tacheako, javoi iyakatu pe tacheküava!
Kuimbae:7Kuñatai reta Jerusalén pegua,
pomoñera, guasu jare guasukaka taɨrusu vae ñana rupigua jee re.
¡Agüɨye vaerä aaɨu vae pemomba,
pemaeño toke pɨagüive,
tosareko jae oipota yave!Mokoía tairariKuña:
8¡Aipo ma ou aaɨu vae!
¡Che aendu ma iñee!
Ochäguariko ou ɨvɨtɨ rupi,
oporise ou jɨsɨ rupi.
9Aaɨu vae, guasu ani guasukaka taɨrusu vae rami ko.
¡Mase, ko ma okupe pe oï,
omae ventana rupi,
omae vɨari ventana re oyeasa vae reta ipäu rupi!
10Aaɨu vae jei cheve:
“Epüa eyu, roaɨu vae;
maepöra vae.
11¡Mase!, iroɨ guasu iara oasa ma ko, ama yandereeya ma.
12Mbaepotɨ reta oyekuaa ma,
tairari iara ou ma oväe,
yandeɨvɨ pe oyeendu ma pɨkúi reta iñee.
13Ɨva omboɨpɨ ma ia,
uvarupa pe ñaëtu ma ipotɨ ipichegüe.
Epüa eyu, roaɨu vae;
maepöra vae.
14Chepɨkasu kavi, ɨ̈vavira rupi oyemboaitɨ vae,
ɨvate oyekaa rupi oiko vae,
emaeño taecha nderova,
emaeño taendu neñee.
¡Echa neñee ipöra yae ko!
Jare ¡nepöra yae ko!”
Kuimbae jare kuña15Peipɨɨ aguara reta, aguara ndeigüe reta,
güɨrokomegua yandeuvarupa vae,
echa yandeuva ipotɨ oï.
Kuña:16Chembae ko jókuae aaɨu vae,
jare che ko imbae.
Jae omongaru jɨmba reta tüpa-ɨpɨ pɨte rupi.
17Köe jembipe ma ou, jare pɨ̈tu ojo ma ramboeve
eyu ye, che roaɨu vae;
guasu rami, guasukaka taɨrusu vae rami
Beter iɨvɨtɨ rupi.
Who We AreWhat We EelieveWhat We Do
2025 by iamachristian.org,Inc All rights reserved.
