1OreYa, nde reiko oreve oreñepɨ̈rokarä,
jekuae kuae avei rupi.
2Arakae, ndei ɨvɨtɨ reta oyeapo mbove güive voi ma,
ndei kuae ɨvɨ oyeapo güive voi ma,
arakae güive jare arakae regua jekuaekuae avei rupi,
nde ko Tumpa.
3Reraja ye kuimbae reta ɨvɨkuirä,
rere yave: “Pekua ye ɨvɨkuirä, kuimbae reta.”
4Echa, mil año vae, nderesa róvai,
kárumbo vae ramiño ko.
Ani mbovɨ ora pɨ̈tu yave vae ramiño ko.
5Reraja kuimbae reta, ɨ ipɨ̈rata vae oporogüɨraja rami,
mbaɨu ramiño ko kuimbae reta;
11¿Kia pa oikuaa yavaete yae ko ndearasɨ vae?
¿Kia pa oikuaa kërai ko nde ndearasɨ yave vae?
12Oremboe toromae kavi orerekove re,
orearakuaa katu vaerä oreyeupe.
13OreYa, eyerova orekotɨ,
¿kërai yave pa reyerova yeta?
¡Oreparareko, ore nderembiokuai reta!
14Oremoangapɨɨ ndeporoparareko pe ndeimbove yave,
royerovia reve rotairari vaerä roikove roiko ramboeve.
15Oremboyerovia katu, jeta reiporarauka oreve rami,
ɨma año rupi roiporara rami.
16¡Eechauka nderembiokuai reta pe nderembiapo,
jare taɨ reta pe eechauka ndeyemboetea!
17YandeYa Tumpa tipɨakavi yandeve.
¡Tipɨakatu yandeve yandeYa, yanderembiapo reta re!
¡Tipɨakatu yandeve, yanderembiapo reta re!
Who We AreWhat We EelieveWhat We Do
2025 by iamachristian.org,Inc All rights reserved.
