4Nde reporookuai ko,
oyembopo kavi vaerä opaete ndeporookuai reta.
5¡Mbae mona, aiko avei ndeporookuai reta jeigüe rupi!
6Jayave ngaraa añemomaraiuka,
aendu katu yave opaete ndeporookuai reta.
7Romboeteta chepɨa sɨmbi rupi kavi,
aikuaa yave ndeporookuai jupi vae.
8¡Ayapota ndeporookuai jeigüe!
¡Agüɨye chereeya ete!
- 2 -9¿Kërai pa taɨrusu vae ipuere oitɨo jeko?
¡Oiko yave neñee jeigüe rupi!
10Opaete chepɨa ndive roeka,
agüɨye emaeño tapia ndeporookuai reta güi.
11Chepɨa pe añovatu neñee reta,
agüɨye vaerä cheyoa ndekotɨ.
12¡CheYa Tumpa, mbaemboete toñemee avei ndeve!
¡Chemboe ndeporookuai reta re!
13Chemiari, opaete ndeporookuai reta reregüe.
14Opaete mbaeyekou reta güi,
ayerovia katu aiko ndeporookuai reta rupi.
15Ayemongetata ndeporookuai reta re,
jare ayapota nde reipota vae.
16Ayeroviata ndeporookuai reta re,
jare ngaraa cheakañɨ neñee reta güi.
- 3 -17¡Eyapo ikavi vae, che nderembiokuai pe!
¡Emee taikove!
¡Tayapo neñee jei vaeño!
18Eipea cheresa, aecha vaerä
mbaembae ikavi yae vae neñee pe.
19Ketɨgua ko che kuae ɨvɨ pe,
agüɨye eñomi chegüi ndeporookuai reta.
20Chepɨatɨtɨ avei aiko,
aipota tëi ramo aikuaa ndeporookuai reta.
21Nde reñeengata ipɨapochɨ vae reta pe,
jeko kavimbae reta pe, osɨrɨ ndeporookuai güi vae reta pe.
22Embosɨrɨ chegüi jae reta iporoyóyai yóyai jare iporomotareɨ,
echa che ayapo ko ndeporookuai jei vae.
23Mburuvicha reta vi oyemongeta kaviä chekotɨ,
ërei che nderembiokuai jekuae ayemongeta ndeporookuai reta re.
24Echa ndeporookuai reta ko jae chemboyerovia vae,
jae ko chemboarakuaa vae.
- 4 -25Amano vaerä etei ma aï,
¡emee tekove cheve,
nde rerökuavee rami!
26Aechauka ndeve kërai aiko vae,
jare remboyevɨ cheve.
¡Chemboe ndeporookuai reta re!
27Chemboe aikuaa kavi vaerä ndeporookuai reta,
ayemongeta vaerä mɨakañɨ reta reyapogüe re.
28Mbɨatɨtɨ chembogüérai ma,
¡chemomɨ̈rata, nde rerökuavee rami!
29Embosɨrɨ chegüi apu,
ndeporoparareko rupi emee cheve ndeporookuai.
30Aiparavo cheyeupe, tape añetete pegua,
ambotenonde cheyeupe ndeporookuai reta.
31CheYa Tumpa, ayemboya ko ndeporookuai reta re,
¡agüɨye chemomaraiuka!
32Ndeporookuai reta jeigüe ayapo jarembae voi,
yerovia katu pe remotɨnɨe chepɨa yave.
- 5 -33CheYa Tumpa, chemboe ndeporookuai reta re,
ayapota, cherekove iyapɨ regua.
34Emee arakuaa cheve ayapo vaerä ndeporookuai reta,
¡jare tayapo opaete chepɨa ndive!
35Chereroata ndeporookuai reta jeigüe rupi,
echa jese ko anoi cheyerovia.
36Chembopɨa-kɨ̈reɨ ndeporookuai reta kotɨ,
chemombia mbaepotarai güi.
37Agüɨye emaeño tamae
tumpa-raanga reta re;
¡emee tekove cheve aguata vaerä nderemimbota rupi!
38Emoañete neñee che nderembiokuai pe,
che nderembiokuai aipoɨu ndegüi vae pe.
39Embosɨrɨ chegüi ñemomarai akɨɨye chugüi vae,
echa ndeporookuai reta remee vae ikavi ko.
40Che aipota yae ko ndeporookuai reta.
¡Emee tekove cheve, nde ko jupi vae!
- 6 -41CheYa Tumpa, eechauka cheve ndeporoparareko jare ndeporogüɨroasayepe,
nde rerökuavee rami.
42Jökorai chepuere amboyevɨ chemomarai vae reta pe,
kërai neñee reño ko ayeko vae.
43Agüɨye eekɨ cheyuru güi ñee añete vae,
echa neñee reño ko ayeko.
44¡Tayapo avei neñee,
jekuae avei rupi!
45Jare taguata yemboavaimbae reve,
echa aeka ndeporookuai reta.
46Tachemiari ndeporookuai reta re mburuvicha guasu reta jóvai,
jare ngaraa chemara.
47Tayerovia ndeporookuai reta re,
echa aaɨu ko ndeporookuai reta.
48Aaɨu reve tamboresive ndeporookuai reta,
tayemongeta ndeporookuai reta re.
- 7 -49Nemaendúa rere che nderembiokuai pe vae re,
jese ko reärouka cheve.
50Jae ko chembopɨakatu chepɨatɨtɨ güi,
echa neñee ko chemoingove katu ye.
51Ipɨapochɨ vae reta jeta cheyóyai yóyai,
ërei che mbaetɨ apia ndeporookuai reta güi.
52CheYa Tumpa, chemaendúa tenondegua neporojäa reta re,
jare jese ayembopɨakatu.
53Chemboarasɨ yae jeko kavimbae reta,
ndeporookuai oeya vae reta.
54Ndeporookuai reta areko chetairarirä,
ɨvɨ ambuae rupi aikoa pe.
55CheYa Tumpa, pɨ̈tu yave chemaendúa nderé,
jare ayapo ndeporookuai jeigüe vae.
56Ayapo avei ndeporookuai vae ko ikavi cheve.
- 8 -57CheYa, ndeño ko jae chembaeyekou,
añeñono ko ayapo vaerä neñee reta jeigüe.
58Ayerure opaete chepɨa ndive ndeve,
cheparareko nde reñererökuavee rami.
59Amae kërai aikogüe re,
jare ayerova ye ndeporookuai kotɨ.
60Jarembae voi, mbaetɨ mbae aäro
ayapo vaerä ndeporookuai reta.
61Jupimbae reta opa cheöva,
ërei che mbaetɨ cheakañɨ ndeporookuai reta güi.
62Pɨare mbɨte rupi apüa romboete vaerä,
neporojäa kavi reta re.
63Oipoɨu ndegüi vae reta
jare opaete jókuae ndeporookuai oyapo katu vae reta iñeïru ko che.
64CheYa Tumpa, ndeporoparareko tɨnɨe ko opaete ɨvɨ;
¡chemboe ndeporookuai reta re!
- 9 -65CheYa Tumpa, ikavi vae ko reyapo che nderembiokuai pe.
¡Reyapo reñererökuavee rami!
66Chemboe arakuaa katu re,
echa ndeporookuai reta re arovia.
67Ndei añemomichiuka mbove, ayapo jeta ikavimbae,
ërei añave ayapo neñee jeigüe.
68Ndepɨakavi ko nde, reyapo ikavi vae,
¡chemboe ndeporookuai reta re!
69Ipɨapochɨ vae reta, chemboeko jupimbae reve,
ërei che ayapo opaete chepɨa ndive ndeporookuai reta jeigüe.
70Jae reta oyembopɨatäta yae,
ërei che, ndeporookuai re ayerovia katu.
71Ikavi yae cheve añemomichiuka vae,
aikuaa vaerä ndeporookuai reta.
72Mborookuai reta oë ndegüi vae,
ikavi yae ete cheve, oro ani korepoti jeta yae vae güi.
- 10 -73Nde etei ko cheapo;
¡eikuaauka kavi cheve ndeporookuai reta!
74Oipoɨu ndegüi vae reta oyeroviata chereecha yave,
echa ayeko neñee reño.
75CheYa Tumpa, aikuaa ndeporookuai jupi ko,
jupi ko reiporarauka cheve yave.
76Ndeporoparareko toiko chembopɨakatu vaerä,
nde reñererökuavee che nderembiokuai pe rami.
77Eechauka cheve ndeporoparareko,
chemoingove vaerä,
echa ndeporookuai reta ko chemboyerovia.
78Ipɨapochɨ vae reta toñemomaraiuka,
echa cherekombae reve imiari kaviä reta chekotɨ,
ërei che, ayemongetata ndeporookuai reta reño.
79Toyomboatɨ che ndive, oipoɨu ndegüi vae reta,
ndeporookuai oikuaa vae reta.
80Taiko jupi rupi kavi ndeporookuai reta rupi,
agüɨye vaerä añemomaraiuka.
- 11 -81Chekangɨ yae ma aäro ndeporogüɨroasayepe,
¡ërei aäro neñee reño!
82Cheresa kangɨ yae ma aäro neñee,
jae: ¿Kërai yave ra chembopɨakatuta?
83Echa ɨrɨru mɨmbapire pegua tätati pe vae rami ko che,
ërei mbaetɨ cheakañɨ ndeporookuai reta güi.
84¿Kërai yave regua pa aärota?
¿Kërai yave pa rejäata chepïaro vae reta?
85Ipɨapochɨ vae reta oyoo ɨvɨkua cheraperä pe,
mbaetɨ yogüɨreko reta ndeporookuai rupi.
86¡Opaete ndeporookuai reta añete ko!
Chepïaro reta cherekombae reve, ¡chemborɨ!
87Chemokañɨtei seri reta,
ërei mbaetɨ aeya ndeporookuai reta.
88Emee tekove cheve,
ndeporoparareko oï rupi,
ayapota ndeporookuai reta remee vae.
- 12 -89CheYa Tumpa,
neñee ko oiko avei vae ara pe.
90Neñee rembopo avei vae ko nde,
nde reñono jenda pe kuae ɨvɨ, jare jökorai oiko.
91Neñee rupi jekuaeño yogüɨreko opaete mbaembae reta,
echa opaete jókuae reta oiko nde rerea re.
92Amanota tëi ma ko,
mbaetɨ yave mona chemboyerovia ndeporookuai reta.
93Ngaraai cheakañɨ ndeporookuai reta güi,
echa jókuae reta ko chemoingove katu ye.
94¡Ndembae ko che, chereepɨ,
aeka ramo ndeporookuai reta!
95Iyoa vae reta cheräro ñogüɨnoi chemokañɨtei vaerä,
ërei che ayeko aï ndeporookuai reta reño.
96Opaete mbae ikavi vae reta aecha opa,
ërei ndeporookuai reta ko tuichagüe yae.
- 13 -97¡CheYa, aaɨu yae ndeporookuai reta!
¡Chekaaruiño ayemongeta jese!
98Ndeporookuai reta rupi chemboarakuaa katu yae cherovaicho reta güi,
echa oiko avei che ndive.
99Ayapɨraa yé aikuaa kavi, chemboe vae reta güi,
echa ayemongeta avei ndeporookuai reta re.
100Ayapɨraa yé aikuaa kavi, ndechi reta güi,
echa ayapo ndeporookuai reta jeigüe.
101Ayembosɨrɨ opaete ikavimbae güi,
ayapo vaerä neñee reta.
102Mbaetɨ asɨrɨ ndeporookuai reta güi,
echa nde ko chemboe.
103Neñee, jëe kavi cheyuru pe,
jëe yae ei güi cheyuru pe.
104Ndeporookuai reta rupi chearakuaa katu yae,
jáeramo, aröɨro opaete apu reta.
- 14 -105Neñee tembipe ko cheve aguata vaerä,
omboesape cheraperä.
106Añererökuavee nderee re,
jare jae, ¡ayapota ndeporookuai reta!
107Chepɨatɨtɨ yae aï;
¡cheYa Tumpa, emee tekove cheve nde rerökuavee rami!
108CheYa Tumpa,
romoñera ndepɨakatu vaerä
romboete vae re.
¡Chemboe ndeporookuai reta re!
109Cherëgua avei oiko mano pe,
ërei mbaetɨ cheakañɨ ndeporookuai güi.
110Iyoa vae reta oñono ñuai cheraperä pe,
ërei mbaetɨ apia ndeporookuai reta güi.
111Ayemombae ndeporookuai reta re jekuae avei pegua.
Echa jae ko chemboyerovia katu vae.
112Chepɨakatu reve añeñono ayapo avei vaerä ndeporookuai reta,
jekuae avei pegua, cherekove iyapɨ regua.
- 15 -113Amotareɨ, kuimbae jova mókoi vae reta,
ërei aaɨu ndeporookuai.
114Cheñemía jare cheyeopiaka ko nde,
neñee re ko aäro.
115¡Pesɨrɨ chegüi, jeko kavimbae reta,
echa aipota ayapo cheTumpa iporookuai reta!
116Cheangareko, reñererökuavee rami, jare taikove,
¡agüɨye tañemomaraiuka cheporoäro anoi jese vae re!
117Chemborɨ, jare taasayepe,
jare tayerovia katu avei ndeporookuai reta re.
118Nde remboai, opaete opia ndeporookuai reta güi vae,
echa jae reta ipoki yae oporombotavɨ vaerä.
119Ɨtɨ rami opa remokañɨtei jupimbae reta,
jáeramo, che aaɨu ndeporookuai reta.
120Arɨrɨi, aipoɨu ndegüi jeko pegua,
¡aipoɨu ndeporookuai reta güi!
- 16 -121Ayapo avei jupi vae,
agüɨye chereeya oyuvanga cheré vae reta ipo pe.
122Chemomɨ̈rata, ikavi vae peguarä;
agüɨye emaeño ipɨapochɨ vae reta toyuvanga cheré.
123Cheresa ikangɨ ma aäro ndeporogüɨroasayepe,
nde rerökuavee rami.
124Eyapo, che nderembiokuai pe, ndeporoparareko rupi,
¡chemboe ndeporookuai reta re!
125Nderembiokuai ko che,
emee cheve arakuaa katu,
aikuaa vaerä ndeporookuai reta.
126CheYa Tumpa, eñemopüa mo,
echa mbaetɨ oyapo reta ndeporookuai reta.
127Jáeramo ko, che aaɨu ndeporookuai reta oro güi,
oro ikavi yae vae güi oasa yé aaɨu.
128Jáeramo ko, amae jese jupi ko opaete ndeporookuai reta,
opaete mbaembae reta güi,
jare amotareɨ opaete apu reta.
- 17 -129Ndeporookuai reta ikavi yae ko,
jáeramo ko ayapo opaete.
130Neñee oyemombeu kavi vae, omboesape rami ko,
omboe ipɨa yemboetembae reta.
131Cheyɨmbɨaɨ yae rami ndeporookuai reta re,
echa aipota yae ko cheyeupe.
132Emae cheré, jare cheparareko,
reyapoñoi rami reaɨu vae reta pe.
133Neñee rupi chereroata,
agüɨye emaeño ikavimbae togüɨnoi mbaepuere cheré.
134Chereepɨ kuimbae reta ipɨarai güi,
aipota aiko nde ndeporookuai reta rupi.
135Ndepɨakatu emae che nderembiokuai re,
chemboe ndeporookuai reta re.
136Cheresaɨ oyepɨyere ɨ rami,
echa mbaetɨ oyemboete ndeporookuai.
- 18 -137CheYa Tumpa, jupi vae ko nde,
jupi ko ndeporookuai reta.
138Ndeporookuai reta remee vae,
jupi jare añetete vae ko.
139Neñee re cherägüɨro vae cheyukata ma,
echa cherovaicho reta ñakañɨ chugüi.
140Neñee ikɨambae yae ko,
jáeramo ko, che nderembiokuai aaɨu neñee.
141Mbaeä etei ko che, jare ñereröɨro rupi aiko,
ërei mbaetɨ cheakañɨ ndeporookuai reta güi.
142Ndembaejupi jupi avei ko,
jare ndeporookuai reta añetete avei ko.
143Mbɨatɨtɨ ou cherupi,
ërei ndeporookuai reta chemboyerovia.
144Ndeporookuai reta jupi avei ko,
¡arakuaa katu emee cheve, aikove aiko vaerä!
- 19 -145CheYa, asapúkai ndeve opaete chepɨa ndive,
emboyevɨ cheve, jare ayapota ndeporookuai reta.
146Asapúkai ndeve, ¡chemborɨ!
Jare ayapota ndeporookuai reta.
147Ndei köe mbove apüa asapúkai ndeve,
aäro neñee re.
148Pɨ̈tu-ɨpɨ güive asareko voi ma aï,
ayemongeta vaerä ndeporookuai reta re.
149Eendu cheñee, ndeporoparareko rupi,
cheYa Tumpa, emee tekove cheve nde reikuaa rupi.
150Chemotareɨ vae reta oya ikavimbae re,
oyembosɨrɨ reta ndeporookuai güi.
151CheYa Tumpa, köi ko reï,
jare opaete ndeporookuai reta añetete vae ko.
152Ɨma ma aikuaa ndeporookuai reta,
reñono ko jekuae avei pegua.
- 20 -153Emae chepɨatɨtɨ re, jare chereepɨ,
echa mbaetɨ cheakañɨ ndeporookuai güi.
154Eñemoe cheré, ¡chereepɨ!
¡Emee tekove cheve, nde rerökuavee rami!
155Matɨ ko oï ndeporogüɨroasayepe iyoa vae reta güi,
echa mbaetɨ oeka reta ndeporookuai reta.
156CheYa Tumpa, ndeporoparareko yae ko,
emee tekove cheve nde reikuaa rupi.
157Jeta ko cherovaicho reta jare oyuvanga cheré vae reta,
ërei mbaetɨ apia ndeporookuai reta güi.
158Aecha yave iñeereendumbae reta chearasɨ,
echa mbaetɨi oyapo reta neñee.
159CheYa Tumpa, mase kërai che aaɨu ndeporookuai reta,
emee tekove cheve ndeporoparareko oï rupi.
160Neñee añetete vae katuai ko,
jupi jare opambae ko opaete ndeporookuai reta.
- 21 -161Mburuvicha reta oipota cheyuka cherekombae reve,
ërei che aipoɨu neñee reta güi.
162Ayerovia nde neñee reño,
kia jeta mbae oväe vae rami.
163Amotareɨ apu, jare aröɨro,
ërei aaɨu ndeporookuai.
164Opaete ara romboete,
ndeporookuai reta jupi jeko pegua.
165Ipɨakatu yae, ndeporookuai oaɨu vae reta,
jae reta mbaetɨ ogüɨapi.
166CheYa Tumpa, aäro ndeporogüɨroasayepe,
jare ndeporookuai reta ayapo avei.
167Che ayapo avei ndeporookuai reta,
jare aaɨu yae ko.
168Ayapo neñee jare ndeporookuai reta jeigüe,
echa ¡nde chekuaa ko kërai aiko vae!
- 22 -169CheYa Tumpa, chesapúkai tojo toväe ndeve.
¡Emee arakuaa cheve, neñee jei rami!
170Cheyerure tojo toväe ndeve.
¡Chereepɨ nde rerökuavee rami!
171Tamee mbaemboete ndeve cheñee rupi,
echa nde chemboe ndeporookuai reta re.
172Chemiarita neñee reta re,
echa opaete ndeporookuai reta jupi ko.
173Ndepo, toïndaivi toï chemborɨ vaerä,
echa ndeporookuai reta aiparavo cheyeupe.
174CheYa Tumpa, ¡aipota ndeporogüɨroasayepe!
¡Ayerovia yae ko mborookuai remee vae re!
175Taikove romboete vaerä,
ndembaejupi tachemborɨ avei.
176Akañɨ aiko, vechaIs 53.6; Jer 50.6; Ez 34.11-16. okañɨgüe rami,
¡eyu chereeka che nderembiokuai,
echa mbaetɨ cheakañɨ ndeporookuai reta güi!
Who We AreWhat We EelieveWhat We Do
2025 by iamachristian.org,Inc All rights reserved.
