MALAQUÍAS 1 - Guarani Bible with DC

Tumpa iporoaɨu Jacob iñemuña reta kotɨ

1YandeYa omombeu Israel iñemuña reta pe mbae oasata vae, Malaquías rupi.

2YandeYa jei: “Che poaɨu ko.” Ërei pere: “¿Kërai pa oreraɨu?” YandeYa jei ye: “¿Esaú jaeä pa Jacob tɨkeɨ? Aɨu Jacob

3jare aröɨro Esaú,Gn 25.23-26; Ro 9.13. iɨvɨtɨ reta opa arokomegua chugüi, aeya iɨvɨ aguarayaɨmba ñuu rupigua peguarä.”

4Edom iñemuña retaIs 34.5-17; 63.1-6; Jer 49.7-22; Ez 25.12-14; 35.1-15; Am 1.11-12; Abd 1-14. jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”

5Pe etei peechata jare pereta: “¡YandeYa tuicha yae ko, imbaepuere oasa Israel iñemuña reta iɨvɨ jembeɨ!”

YandeYa oñeengata sacerdote reta pe

6YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

7Pe reta peru cheve mbɨyape ikɨa vae, mɨmba oyeyuka oyeapɨ jese vae chembae pe, jare pere yeti: ‘¿Mbae pe pa romboeteä?’ Pe chemboeteä pepɨa pe peröɨro yave mɨmba oyeyuka oyeapɨ jese vae chembae,

8jare peru pemee yave mɨmba jesambae oyeyuka vaerä, ¿ikavi vae pa jókuae? Jaeramiño vi peru yave mɨmba iköcho vae ani imbaerasɨgüe,Lv 22.18-25; Dt 15.21. ¿ikavi vae pa jókuae? ¡Peraja kuae nunga peruvicha pe! ¡Yaecha ra ipɨakatu omae peré jare mbota re!” Jei yandeYa Imbaepuere yae ete vae.

9Añave peyerure Tumpa ipɨakavi re yandeparareko vaerä. Ërei, ¿kërai pa pepuere pembopɨakatu, kuae nunga mbota reta peru reve? Jei yandeYa Imbaepuere yae ete vae.

10¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.Is 1.13; Am 5.21-24.

11Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

12Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

13Jare pere ye: “¡Orembogüérai yae ma kuaekuae!” Jare chereröɨro; peru mbotarä peñomigüe, iköchogüe, imbaerasɨgüe. ¿Aipɨɨta pa jókuae nunga pegüi?

14¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.