1YandeYa jei Moisés pe:
2“Ere Israel iñemuña reta pe körai: Kuña ipurúa jare imembɨ oa vae kuimbae ko yave, tikɨa topɨta Tumpa jóvai chiu ara, tugüɨ oiporara yasɨ ñavo vae rami.
3Jare juría ara pe toyembocircuncida jókuae michia.Gn 17.12; Lc 2.21.
4Ërei oyekuaku vae topɨta treinta y tres ara oyetɨo vaerä oiko jugüɨ güi; agüɨye toyavɨkɨ mbae oñeñono tee Tumpa pe vae, jare agüɨye vi tou o mbaemboetea pe, omboapɨ regua ara reta opa oyetɨo vae.
5Jare imembɨ, kuña ko yave, tikɨa topɨta Tumpa jóvai mókoi semana, oiporara yasɨ ñavo vae rami, jare sesenta y seis ara toyetɨo toiko jugüɨ güi.
6Jare yetɨo iara reta opa omboapɨ yave, imembɨ kuimbae re, ani kuña re; togüeru metei vecha kuimbae taɨrusu vae metei año vae mɨmba opaetei oyeapɨ vaerä, jare metei pɨkasutï taɨrusu vae ani pɨkasui cheɨ̈ro vaerä mbaeyoa re. Togüeru sacerdote pe tupao guakapi pegua jöke pe.
7Jare sacerdote tomee cheróvai oyemboai vaerä kuña güi iyoa, jare topɨta ikɨambae jugüɨ güi.”
Jae ko kuae mborookuai kuña imembɨ oa yave kuimbae ani kuña.
8Jare mbaetɨ oupitɨ ogua vaerä metei vecha kuimbae taɨrusu vae yave, togüeru mókoi pɨkasui ani mókoi pɨkasutï taɨrusu vae,Lc 2.24. metei opaetei oyeapɨ vaerä jare ïru, cheɨ̈ro vaerä mbaeyoa re; jare sacerdote tomee kuae mɨmba reta jókuae kuña iyoa re cheɨ̈ro vaerä, jare topɨta ikɨambae.
Who We AreWhat We EelieveWhat We Do
2025 by iamachristian.org,Inc All rights reserved.
