HEBREOS 9 - Guarani Bible with DC

1Jáeramo, tenondegua morogüɨrökuavee päve pe oyókuai kërai omboete reta vaerä jókuae o mbaemboetea ɨvɨ pegua pe.

2Jókuae tupao guakapi peguaEx 26.1-30. güɨnoi mókoi cuarto. Tenondegua cuarto jee Oñeñono tee vae, joko pe oï mechero jenda,Ex 25.31-40. mesa jare mbɨyape reta mbaemboete pegua.Ex 25.23-30.

3Jare ïru cuarto asoya omboyao vae ikupe pegua jee, cuarto Oñeñono tee kavi yae vae,Ex 26.31-33.

4joko pe oï tätapɨirɨru oro pegua,Ex 30.1-6. käjou morogüɨrökuavee päve pegua oro pe oñeova vae,Ex 25.10-16. metei yapepo oro pegua manáEx 16.33. oï pɨpe vae, Aarón ipopokaNm 17.8-10. jokɨ vae jare itape reta morogüɨrökuavee päve güɨnoi vae.Ex 25.16; Dt 10.3-5.

5Jare jókuae käjou Ex 25.18-22. oro katuai vae iárambo ñogüɨnoi mókoi araɨgua reta querubín iä, oñova reta güɨnoi ipepo pe ñɨ̈ro renda. Kuae reta re mbaetɨ chepuere amombeu kavi peve añave.

6Opaete kuae mbaembae oyeapo kavi ma yave, sacerdote reta oike avei cuarto oñeñono tee vae pe, joko pe oyapo vaerä iparavɨkɨ.Nm 18.2-6.

7Ërei cuarto oñono tee kavi yae vae pe, sacerdote tenondegua eteño oike metei vese año pe, güɨroike reve tugüɨ. Jae omee iyegua jare jeta vae reta oikuaambae reve iyoa vae re.Lv 16.2-34.

8Jökorai Espíritu Santo oikuaauka ndeiño oyepea opaete vae pe cuarto Oñeñono tee kavi yae vae, oimeño vɨteri ramboeve tupao guakapi pegua.

9Opaete kuaekuae reta oyembojaanga ko añave rupiguarä. Joko pe sacerdote reta omee yepi mbota jare mɨmba oyeyukagüe ipuerembae ombokavi Tumpa omboete vae reta iyemongeta vae,

10echa jaeño güɨnoi mborookuai tembíu reta regua jare kërai jae reta oyeyoe vaerä Tumpa kotɨ. Opaete jókuae mborookuai reta ɨvɨ peguaño ko, oñeñono ko Tumpa opaete oyapokatu regua.

11Ërei ou ma Cristo, sacerdote tenondegua ete mbaembae oikota vae pegua. Jare jae oyapo mbaravɨkɨ tupao ikavigüe yae vae pe. Echa jókuae tupao kuimbae reta oyapogüeä ko.

12Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

13Echa toro jugüɨ jare kavara kuimbaeLv 16.15-16. jugüɨ jare guaka itanimbugüeNm 19.9,17-19. pe oñapiramo jókuae ikɨa Tumpa jóvai vae reta, oitɨo vaerä jete Tumpa peguarä.

14Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

15Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

16Echa metei kuimbae imbaembaegüe opɨta vaerä iyarä vae pe, jókuae mbaembae iya omanota räri ko.

17Echa kuimbae omano yave ramo jae reta ipuere güɨnoi imbaerä jókuae mbaembae. Ërei mbaetɨta omboresive iyarä vae, mbaembae iya oikoveño ramboeve.

18Jáeramo oyeporu tugüɨ tenondegua morogüɨrökuavee päve oyeapo vaerä.

19Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

20jei reve: “Kuae ko jae tugüɨ morogüɨrökuavee päve regua, Tumpa omee yayapo vaerä vae.”Ex 24.6-8; Zac 9.11; Mt 26.28.

21Jaeramiño vi Moisés oñapiramo tugüɨ pe o guakapi pegua jare opaete kopa oyeporu mbaemboetea pe vae.Lv 8.15.

22Jare tugüɨ rupiLv 17.11. mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.

Cristo imano omboai mbaeyoa

23Jare opaete kuae reta ara pegua re oyembojaanga vae ikavi oyetɨo vaerä Tumpa kotɨ jökorai. Ërei mbaembae ara pegua oyetɨo tugüɨ ikavi yae ete vae pe, jókuae reta güi.

24Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

25ërei mbaetɨ ko oike avei, sacerdote tenondegua ete año ñavo oike cuarto oñeñono tee kavi yae vae pe tugüɨ ambuae ndive vae rami;

26echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

27Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

28Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa.Is 53.12. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.