1YandeYa jei cheve körai:
2“Nde kuimbae, eechauka Jerusalén pegua reta pe ikavimbae yae oyapo vae.
3Ere chupe reta: ‘Körai jei yandeYa Tumpa Jerusalén regua: Jerusalén, ndeɨpɨ jare rea pɨpe vae jae ko ɨvɨ Canaán; nderu jae ko amorreo jare ndesɨ jae ko Het iñemuña pegua.
4Jókuae ara rea ramo yave nepürúa mbaetɨ oyeasɨa ndegüi, mbaetɨ ɨ pe ndeyoe vae, yukɨ pe ave mbaetɨ ndepichɨ vae jare mbaetɨ neoma ñomaa pe vae.
5Mbaetɨ kia ndeparareko omae nderé ndemborɨ vaerä. Jókuae ara rea ramo yave, ndereeya reta ɨvɨ pe, oyuguaru reta ndegüi.
6Che aasa ndeɨpɨ rupi yave, roecha ndepɨtávɨi távɨi reï nderugüɨ pe, jare jae: Ikavi ko oikove.
7Rombokuakuaa temitɨ rami; rekuakuaa, ndetuicha, jare reñemokuñatai nepöra yae; ndekambusu kavi jare ndeavuku kavi. Ërei nenandi reï.
8Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä.Jer 31.3-4; Os 2—3. Che ndeYa Tumpa jae.
9Romboyau ɨ pe, jare ayoe tugüɨ oï nderé vae, aipichɨ mbae ikäti kavi vae nderé.
10Romboemimonde temimonde ipöra vae, jare mbɨɨru mɨmba pire ikavi yae vae pegua pe, amee ndekuakuaarä lino pegua jare temimonde seda pegua;
11romopöra mbae jepɨ vae pe, yɨva regua añono ndeyɨva re, jare mboɨ ndeayu re;
12añono moäka-veraecha vae netï re, jare namicha nenambi re jare äka-regua ipöra vae neäka re.
13Jökorai reñemopöra oro pe jare korepoti pe, nderemimonde ipïra oñemopöra lino pegua vae. Reu mbɨyape ikavigüe trigokúi ipɨuasɨ vae pegua, ei jare olivo iasaite; jare oasa ete yé reñemopöra, reyeapo regua mburuvicha kuñarä.
14Nerërakua yae ïru tëtaguasu reta rupi nepöra yae ramo; nepöra yae ko che romboemimonde jeko pegua. Che ndeYa Tumpa jae.
15Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.
16Nderemimonde reta pe reyapo o mbaemboetea reta ɨvɨtɨ rupi, jare reiko aguasa pe joko pe. Mbaetɨi kuae nunga oyeapo, jare ngaraa ye oyeapo jókuae nunga.
17Reipɨɨ vi reñemopöra pɨpe vae ndembaembae, oro jare korepoti pegua che amee ndeve vae, jare reyapo kuimbae iä reta, reyapo vaerä aguasa.
18Reipɨɨ nderemimonde ipöra vae jare remboemimonde pɨpe, chembae asaite jare ikäti kavi vae incienso reñono jóvai reta.
19Mbɨyape amee ndeve vae trigokúi ipɨuasɨ kavi vae, asaite jare ei amee nderembiurä vae, remee chupe reta mbota ipiche katu vae. Che ndeYa Tumpa ko jae kuae.
20Reipɨɨ vi nemembɨ cheve vae michia reta, jare remee netumpa-raanga reta pe ókai vaerä. ¿Jaekaviño maä pa ndeve aguasa reyapogüe,
21reñaseokɨ̈ti yeti remee cheraɨ reta tumpa-raanga reta pe, mbotarä oyeapɨ vaerä vae re?
22Ërei opaete kuae ikavimbae vae jare aguasa reyapo vae, nemoakañɨ ndetaɨrusuasɨ vae güi, nenandi, mbaetɨ neñomaa jare ndepɨtávɨi távɨi nderugüɨ pe reiko vae güi.
23Che ndeYa Tumpa jae: ¡Paravete!, ¡maera pa ko! Jókuae ikavimbae reyapo güire,
24remopüa yeti mbaemboete renda ɨvɨtɨ rupigua reta rembaemboete vaerä, jare mɨmba oyeyukagüe oyeapɨ jese vae opaete oka guasu rupi.
25Opaete tape oyoasaa ñavo rupi remopüa mbaemboete renda, nepöra yae vae remopɨ̈chɨi, reñemee opaete oasa jokoropi vae pe, jökorai rembojeiete aguasa reyapo vae.
26Jare ndeaguasa reiko nerëta iyɨpɨ pegua Egiptoɨgua reta ndive; jëia yae jókuae peguarä vae reta ndive; jökorai chemboarasɨ yeyé jekuaekuae reyapo aguasa vae rupi.
27Jáeramo, aiporarauka ndeve, apɨ̈ro ndegüi nderembíu, jare romee nemotareɨ vae filisteo reta ipo pe, jae reta güɨnoti ndereko ikavimbae vae.
28Mbaetɨ ramo ndeangapɨɨ, reiko vi Asiriaɨgua reta ndive, jeseve mbaetɨño ndeangapɨɨ.
29Jekuae rembojeiete ndeaguasa Canaán pe, jare Caldeaɨgua reta ndive; ërei jeseve mbaetɨ ndeangapɨɨ repɨta.
30Che ndeYa Tumpa jae körai: ¡Mbaetɨ ndepɨa jenda peño, reyapo opaete iyaguasa pota vae jeko nemarambae reve!
31Remopüa mbaemboetea opaete tape oyoasaa ñavo rupi, remopüa mɨmba oyeapɨ jese vae opaete oka guasu reta rupi. Ërei nde mbaetɨ rekovara jete omee vae reta rami. ¡Nde mbaetɨ etei rekovara!
32Ërei reiko kuña oyuvanga menda re vae, ime güi oiko ambuae kuimbae ndive rami.
33Opaete kuña omee jete vae reta okovara, ërei ngatu nde, ndeí rembopota ndeaguasa reta, yogüeru vaerä oipota rupi güi ndeaguasarä.
34Kuae ndeaguasa pota vae pe, nde reyoavɨ ïru kuña reta güi: Mbaetɨ etei kuimbae oiporu ndeve oasa vaerä nde ndive, mbaetɨ vi omboepɨ ndeve, ërei ndeí remboepɨ chupe reta. ¡Jókuae pe ko ambuaeye nde!
35Jáeramo, nde iyaguasa pota vae, eyeapɨsaka cheñee re:
36Che ndeYa Tumpa jae körai: Nde remboyekuaa nemarambae reve nderete remee ndeaguasa reta pe jare opaete netumpa-raanga reta pe yave; repɨyere vi tugüɨ, remee yave nemembɨ oyeapɨ vaerä mɨmba oyeyuka oñemee jese vae re.
37Jáeramo, amboatɨta opaete ndeaguasa reyerovia jae reta ndive vae, opaete jókuae reaɨu vae reta remotareɨ vae reta ndive; amboatɨta opaete ndeɨ́vɨri, jare jae reta jóvai romonanditaAp 17.16. oecha reta vaerä nderete.
38Rojäata reyuvanga menda re jare reporoyuka vae jeko pegua, jare cherägüɨro ramo chearasɨ reve romeeta mano pe.
39Romeeta jae reta ipo pe; jae reta opata omboai ndembaemboete renda reta ɨvɨtɨ rupigua, jare mɨmba reyuka reapɨ remee jese vae reta. Opaeteita ndetɨrumboi reta, jare opɨ̈rota reñemopöra pɨpe vae reta; ndereeyata nenandiño jare ndepogüɨrai etei.
40Jeta vae reta opüata nderé, ndeapi retata ita pe jare ndeyuka retata ikɨsepuku reta pe.
41Oapɨ retata ndero reta, jare ndereko ojäa retata jeta vae kuña reta jóvai. Jökorai amboapɨta ndeaguasa pota vae, ngaraa ye remboepɨ ndeaguasa reta pe.
42Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.
43Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’
Kuñatai ogua ichɨ jeko44Mase, opaete ñee arakuaa pegua oiporu vae reta jeita ndekotɨ: ‘Kuñatai, ichɨ ye etei jeko pe.’
45Nde ko jae omotareɨ ime jare imembɨ reta vae imemɨkuña; jökoraiño vi, omotareɨ ime reta jare imembɨ reta vae ipɨkɨɨ jare tɨke ko nde; pesɨ jae ko Het iñemuña pegua jare peru jae ko amorreo.
46Ɨvɨtuguasu kotɨ oï nderɨke, tëta guasu Samaria, jare iyɨvɨrigua tëta raɨ reta; arayevɨ kotɨ oï ndepɨkɨɨ, tëta guasu Sodoma jare opaete iyɨvɨrigua tëta raɨ reta.
47Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.
48Che peYa Tumpa jae cheyé aeño: Ndepɨkɨɨ Sodoma jare tëta raɨ reta iyɨvɨrigua ave mbaetɨ oyapo, nde jare ndeɨ́vɨri tëta raɨ reta ñogüɨnoi vae ndive peyapo rami.
49Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.
50Oyembopɨapochɨ reta jare oyapo che aröɨro vae; jáeramo amboai, pe reta peecha rami.
51Ërei Samaria mbaetɨ oyapo mbɨte ave nde mbaeyoa reta reyapo vae. Nde oasa ete yé reyapo mbaeyoa chugüi reta; oyemboyovake yave peyapogüe, jae reta jupiñota opɨta.
52Nde reropɨata ko ñemomarai jare ñemomichi, echa oasa ete ndeyoa nderɨke jare ndepɨkɨɨ güi, ërei jae reta jupiñota opɨta. Nde reiporarata jókuae ñemomarai jare ñemomichi.
53Che amee yeta Sodoma jare Samaria pe, oï kavi ye vaerä, jare opaete tëta raɨ reta iyɨ́vɨri ñogüɨnoi vae pe; jare ndeve amee yeta vi reï kavi ye vaerä,
54ërei reropɨata ñemomichi, jare nemomaraita opaete reyapogüe, echa kuae rupi reikota yembopɨakaturä chupe reta.
55Sodoma, Samaria jare opaete tëta raɨ reta iyɨvɨrigua yogüɨreko ye ma tenonde yave yogüɨreko rami yave, nde jare tëta raɨ reta ndeɨvɨrigua ndive peiko kavi yeta vi tenonde yave peiko rami.
56Ndepɨayemboetese ndeyé, reyóyai yóyai yepi ndepɨkɨɨ Sodoma oiporara yave,
57ndeiño ikavimbae reyapogüe oyekuaa mbove; ërei añave iñeeasɨ katu ndekotɨ opaete Siria pegua reta jare filisteo reta. ¡Opaete vae nemotareɨ!
58Añave reropɨata ikavimbae yae reyapogüe re. Che ndeYa jae.
59Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.
60Ërei che chemaenduata jókuae morogüɨrökuavee päve ayapo nde ndive ndetaɨrusu yave vae re, jare ayapota nde ndive morogüɨrökuavee päve jekuae avei pegua.
61Jare nemaenduata jókuae ikavimbae reyapogüe re jare nemarata chugüi, reipɨɨ ma yave nemembɨ retarä nderɨke reta jare ndepɨkɨɨ reta; ërei mbaetɨ morogüɨrökuavee päve jeko pegua.
62Jaeño cheporogüɨrökuavee päve ayapo vae amoañeteta nde ndive. Jayave chekuaata che ko jae ndeYa.
63Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”
Who We AreWhat We EelieveWhat We Do
2025 by iamachristian.org,Inc All rights reserved.
