ÉXODO 25 - Guarani Bible with DC

Mbota tupao guakapi pegua oyeapo vaerä(Ex 35.4-9)

1YandeYa jei Moisés pe:

2“Ere Israel iñemuña reta pe tomee cheve mbota; opaete kuimbae ipɨakatu reve kavi tomee reta cheve mbota;

3kuae mbota tomee reta cheve: Oro, korepoti, jiero iyu vae,

4vecharaagüe inimbo jovɨ vae, pɨ̈taü vae, pɨ̈taasɨ vae jare lino ikavi vae, jare kavara jaagüe,

5vecha kuimbae pire oñemopɨ̈ta vae, mɨmba pire ikavi yae vae, ɨvɨra käti,

6asaite mechero peguarä, jare mbaembae ikäti kavi vae asaite yeparavo peguarä jare incienso ikäti kavi yae vae oyeapo vaerä,

7ita ónice jee vae jare ita oyeapo kavigüe temimonde iyɨvambae reguarä, jare pɨtía regua re oñeñono vaerä.

8Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

9Toyapo reta tupao guakapi pegua jare tembiporu reta, che opaete aechauka iä ndeve rami kavi.

Käjou yemomaendúa jɨru(Ex 37.1-9)

10Toyapo reta vi metei käjou ɨvɨra käti pegua; pukugüe togüɨnoi metei metro diez centímetro, jare ipɨgüe sesenta y cinco centímetro jare ɨvategüe sesenta y cinco centímetro.

11Jare toñova reta japɨpe rupi jare ikupe rupi oro oyeambae pe, jare iárambo jembeɨ rupi omopöra vae, toyapo reta oro pegua togüɨroyere jese.

12Toyapo reta vi chupe irundɨ argolla, jare toñono reta iyɨke re, metei iyɨke re mókoi jare ïru iyɨke re mókoi vi.

13Toñopa reta vi chupe ɨvɨra käti, ɨvɨra oyepɨasa vae retarä, jare toñova reta oro pe.

14Jare toësɨvo reta jókuae argolla reta rupi, käjou iyɨke yɨke regua rupi, pɨpe oyereraja vaerä käjou.

15Jókuae ɨvɨra oyepɨasa vae reta topɨta käjou iargolla reta re, agüɨye toyeekɨ chugüi.

16Jare toñono reta käjou pe mborookuai reta, che ameeta ndeve vae.

17Jare toyapo reta käjou itaparä oro oyeambae pegua, kuae ko jae ñɨ̈ro renda; togüɨnoi metei metro diez centímetro pukugüe, jare sesenta y cinco centímetro ipɨgüe.

18Toyapo reta vi mókoi araɨgua iä oro pegua, martillo pe oyeapo vae, toyapo reta ñɨ̈ro renda jembeɨ mbeɨ re.

19Metei araɨgua iä toyapo reta metei jembeɨ re, jare ïru araɨgua iä toyapo reta ïru jembeɨ re; ñɨ̈ro renda jare araɨgua iä reta toyeapo metei güiño.

20Jare araɨgua iä reta ipepo tomoata toñogüɨnoi ñɨ̈ro renda iárambo, toyóvai toñogüɨnoi, omae reta reve ñɨ̈ro renda re.

21Ñɨ̈ro renda toñono reta käjou iárambo, jare käjou pe toñono reta mborookuai reta che ameeta ndeve vae.

22Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

Mesa mbɨyape mbaemboete pegua jendarä(Ex 37.10-16)

23Toyapo reta vi metei mesa ɨvɨra käti pegua; ipukugüe togüɨnoi noventa centímetro, jare cuarenta y cinco centímetro ipɨgüe jare ɨvategüe sesenta y cinco centímetro.

24Toñova reta oro oyeambae pe, jare jembeɨ rupi omopöra vae, toyapo reta oro pegua togüɨroyere jese.

25Jembeɨ rupi tomopüa reta togüɨroyere jese siete centímetro ipɨgüe, jare iárambo jembeɨ rupigua toyapo reta oro pegua;

26toyapo reta chupe irundɨ argolla oro pegua, kuae reta eñono irundɨ mesa itɨma ñavo re;

27jókuae argolla reta toñogüɨnoi jembeɨ regua igüɨ rupi, ɨvɨra reta oñeësɨvo vaerä, mesa oyereraja vaerä.

28Toñopa reta chupe ɨvɨra käti, ɨvɨra oyepɨasa vae retarä, jare toñova reta oro pe; jókuae ɨvɨra reta re oyereraja vaerä mesa,

29toyapo reta vi oro oyeambae pegua ñae, kuchara, tasa guasu jare kopa, mbota oyepɨyere pɨpe vaerä.

30Jare toñono reta cheróvai jekuae avei, mesa iárambo mbɨyape mbaemboete pegua.Mechero renda oro pegua(Ex 37.17-24)

31Toyapo reta vi metei mechero renda oro oyeambae pegua, martillo pe oyeapo vae. Iguapɨka, itɨma, mbaepotɨ iä reta, opaete kuae reta toyeapo metei güiño;

32jare iyɨke yɨke kotɨ güi toë mboapɨ mboapɨ iyɨva; opaete reve ova tiyɨva.

33Mboapɨ mbaepotɨ temitɨ almendra ipotɨ iä rami vae toï metei iyɨva re; jökorai toï ova iyɨva ñavo re;

34mechero renda itɨma re toï irundɨ mbaepotɨ temitɨ almendra ipotɨ iä rami vae.

35Mókoi iyɨva ñavo igüɨ pe togüɨnoi metei mbaepotɨ iä; jökorai ova iyɨva oë mechero renda güi vae igüɨ pe.

36Mbaepotɨ iä reta jare iyɨva reta toyeapo metei güiño mechero renda ndive, opaete kuae reta toyeapo oro oyeambae pegua, martillo pe oyeapo vae.

37Toyapo reta vi chupe chiu mechero. Kuae reta jendɨta omboesape vaerä jenonde kotɨ;

38itenasa reta jare iñae raɨ reta toyeapo oro oyeambae pegua.

39Toyeporu treinta y tres kilo oro oyeambae, oyeapo vaerä mechero renda jare opaete jembiporu reta;

40emae kavi, reyapo vaerä ɨvɨtɨ re aechauka ndeve rami kavi.