1Cheparareko cheRu Tumpa,
echa cheyukata vae;
cheaporai yae ara ñavo.
2Opaete ara cherovaicho reta chepïaro;
echa jeta yae ko oñeraro ipɨapochɨ reve chekotɨ vae.
3Akɨɨye yae yave, ayeko ndereño.
4Ayeko nderé jare amboete neñee;
ayeko nderé, ngaraa akɨɨye.
¿Kia pa ipuereta oyapo cheve mbae?
5Ara ñavo oipoepɨ reta teko chekotɨ;
oyemongeta reta chekotɨ ikavimbaeño.
6Oyemboatɨ reta, oñemi reta,
chepïaro avei reta,
oeka reta kërai cheyuka vaerä.
7CheRu Tumpa, ejäa reta ikavimbae oyapogüe oï rupi,
javoi emokañɨtei ndearasɨ rupi opaete vae reta.
8Nde reikuaa kërai ko che atekuarai aiko vae;
nde remboɨru cheresaɨ reta ndeɨakua pe.
¿Oimeä yera oyekuatía oï nderembikuatía pe?
9Cherovaicho reta opata oyerova ye jaɨkue kotɨ,
jókuae ara ayerure ndeve yave;
aikuaa katu oime ko reï chemborɨ vaerä.
10Ayeko nderé jare amboete neñee cheTumpa,
ayeko nderé cheYa jare amboete neñee.
11Ayeko nderé, ngaraa akɨɨye.
¿Mbae pa ipuereta oyapo cheve kuimbae?
12CheRu Tumpa, cheré oï añererökuavee ndeve vae,
ameeta ndeve mbaemboete.
13Echa chereroasayepe mano güi,
jare agüɨapi vaerägüe güi,
aguata vaerä nderóvai,
oikove vae reta ipɨte pe.
Who We AreWhat We EelieveWhat We Do
2025 by iamachristian.org,Inc All rights reserved.
