1-2Mburuvicha guasu Sedequías omondo Pasur, Malquías taɨ, jare sacerdote Sofonías, Maasías taɨ, Jeremías pɨri jei vaerä chupe: “Eparandu yandeYa pe oreve, echa mburuvicha guasu Babilonia pegua oporepeña oreré.2 R 25.1-11; 2 Cr 36.17-21. Güɨramoi yandeYa oyapo mbae nunga mɨakañɨ jare Nabucodonosor ojo ye.”
Jayave yandeYa omomiari Jeremías.
3Jare jae omombeu Sedequías ombou vae reta pe körai: “Pere Sedequías pe körai:
4‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.
5Che etei añorarota pe ndive, opaete chembaepuere ndive jare chearasɨ yae reve.Dt 29.28.
6Ayukata kuae tëta pegua reta; opaete vae reta jare mɨmba reta omanota mbaerasɨ ovakatu vae rupi.
7Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.
8Emoërakua vi opaete vae pe, che peYa jae: Amee peiparavo vaerä peyeupe tekove ani mano.
9Opɨta kuae tëta guasu pe vae omanota ñeraro rupi, karuai ani mbaerasɨ ovakatu vae rupi. Ërei ngatu oë oñemee Caldeaɨgua reta peöva perenoi vae ipo pe vae, ngaraa omano; güɨroasayepeta jekove.Jer 38.2.
10Echa che jae ambou vaerä kuae tëta guasu re ikavimbae, ambou vaerägüe ikavi vae. Ameeta mburuvicha guasu Babilonia pegua ipo pe, jare jae opata oapɨ.Jer 38.17-18. Che ndeYa ko jae kuaekuae.’
Mburuvicha guasu Judá pegua kotɨ oñemoërakua vae11-12Ere Judá pegua mburuvicha guasu jo pegua reta pe:
Mburuvicha guasu David iñemuña reta,
peyeapɨsaka yandeYa iñee re:
Peyapo jupi vae ara ñavo;
peyora jasɨ katu oiko vae oporogüɨrekoasɨ katu vae ipo güi,
agüɨye jupimbae peyapo vae rupi
chearasɨ toyepota tata rami,
jare ngaraa kia ipuere ombogüe vaerä.
Jerusalén opata oyemboai vae regua13‘Tëta guasu ɨvɨtɨ re reï vae,
ɨvɨtɨ päu ipe kavi vae oyere nderé vae,
che ndeYa jae ndekotɨ;
pe reta pere: ¿Kia pa ipuereta yanderé?
¿Kia pa ipuereta oike ñaneñepɨ̈roka pe?
14Che aiporaraukata peve pereko reta oï rupi;
amboyepotata tata kaa reta re,
jare jókuae tata omboaita opaete peɨ́vɨri ñogüɨnoi vae reta.
Che ndeYa ko jae kuae.’ ”
Who We AreWhat We EelieveWhat We Do
2025 by iamachristian.org,Inc All rights reserved.
