1YandeYa jei cheve körai: “Ekua mburuvicha guasu Judá pegua jo kotɨ jare nemiari kuae ñee
2mburuvicha guasu Judá pegua jóvai, David iguapɨa pe oguapɨ oï vae jare iyɨvɨrigua reta jare opaete tëta pegua reta jóvai, ere: ‘Peyeapɨsaka yandeYa iñee re.
3Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.
4Echa kuae che poyókuai vae, añetete peyapo yave, oime aveita mburuvicha guasu oguapɨ vaerä David iguapɨa pe; jae oiketa käretou pe kavayu ndive kuae mburuvicha guasu jo jöke rupi; yogüeru reve jae ndive iyɨvɨrigua reta jare opaete vae reta.
5Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”
6Echa yandeYa jei mburuvicha guasu Judá pegua jo kotɨ:
“Nde ko chevegua nepöra yae ɨvɨtɨ Galaad rami,
ɨvɨtɨ Líbano iyapɨte rami,
ërei ngatu ropoepɨta ñuurä,
ɨvɨ ipombae vaerä.
7Ambouta ndeve kuimbae reta jembiporu ñeraro pegua reve reve,
nemokañɨtei vaerä.
Oyasɨata nderokɨta reta ɨ̈vɨrare ikavigüe yae vae,
jare oñono retata tata pe.
8Jeta ïru tëtaguasu pegua reta oasa kuae tëta guasugüe iyɨ́vɨri rupi vae, oparanduta oyoupe: ‘¿Maera ra körai oyapo kuae tëta tuicha yae vae iYa Tumpa?’
9Jare jeita chupe reta: ‘Echa oeya reta morogüɨrökuavee päve iYa Tumpa omee chupe reta vae, omboete reta tumpa ambuae reta jare oyeokuai reta chupe.’ ”
Jeremías omoërakua Salum (Joacaz) regua10-12Agüɨye peäpiro mburuvicha guasu Josías,
agüɨye peäpiro omanogüe;
peäpiro taɨ Salum,
tu jekovia pe oguapɨ mburuvicharä vae,
echa oyereraja ko ou yembae vaerä;
ngaraa ye ma oecha iɨvɨ oa pɨpe vae.
13“¡Paravete, nde ikavimbae rupi
jare jupimbae rupi remopüa nderorä vae;
nde remombaravɨkɨ ïru vae reta
remboepɨmbae reve chupe iparavɨkɨ reta jepɨ!
14Rere: ‘Tamopüa cheyeupe o tuicha vae,
o ipɨguasu vae.’
Jare removentana,
reñova ɨ̈vɨrare pe,
jare remopɨ̈ta kavi.
15¿Reyemongeta pa mburuvicha guasurä reï
ndero reñova kavi ɨ̈vɨrare pe jeko pegua?
Nderu oiko kavi,
echa oyapo jupi vae jare sɨmbi vae,
jáeramo oë kavi opaete mbaembae chupe.
16Oepɨ yepi paravete vae reta,
jare oikoasɨ katu vae reta,
jáeramo oë kavi chupe opaete mbaembae.
Jökorai ko jókuae chekuaa vae.
Che ndeYa ko jae kuae.
17Ërei nde jaeño reyemoambeko,
reipota rai vae renoi vaerä;
jare reyukauka vaerä jekombae,
rerekoasɨ katu jare ndembaeyuvanga katu nerëta re.”
18YandeYa jei Joacim2 R 23.36—24.6; 2 Cr 36.5-7; Jer 36.30-31. Josías taɨ, mburuvicha guasu Judá pegua regua:
“Ngaraa kia oäpiro imano.
Ngaraa kia reta oyaeo jare jei:
‘¡Atataɨ, cherëtara! ¡Atataɨ, chereindɨ!’
‘¡Atataɨ, cheya! ¡Atataɨ, cheruvicha!’
19Mburika omano ramiñota oyapo reta;
ombotɨrɨrɨta güɨraja omombo,
Jerusalén güi ikatu pe.”
Jerusalén regua oñemoërakua vae20“¡Judá, eyeupi ɨvɨtɨ Líbano re jare esapúkai!
¡Ɨvɨtɨ Basán re esapúkai!
¡Esapúkai ɨvɨtɨ Abarim güive,
echa opaete ndeporopota jese vae reta opa oñemokañɨtei!
21Chemiari tëi ndeve ikavi reiko yave,
ërei mbaetɨ reipota reyeapɨsaka cheré.
Jökorai reiko ndetaɨrusu güive.
¡Mbaetɨ reipota reyeapɨsaka cheñee re!
22Ɨvɨtu opata güɨraja nderuvicha reta,
jare ndeporopota jese vae reta opata oyereraja iɨvɨ güi.
Nemara yaeta repɨta jare reñemomichiukata,
opaete ikavimbae reyapo vae jeko pegua.
23Añave nde reiko pɨagüive ndero kavi pe,
oñeova ɨ̈vɨrare reta Líbano pegua pe vae pe.
¡Ërei jaema reiporarata,
jasɨ katu yae vae ou nderé yave!
Kuña imembɨrasɨ oï vae rami.”
Tumpa iñee mburuvicha guasu Jeconías peguarä24YandeYa jei Jeconías,2 R 24.8-15; 2 Cr 36.9-10. Joacim taɨ, mburuvicha guasu Judá pegua pe: “Tae cheyé aeño: Yepe tëi nde metei moäka-vera mborookuai pegua cheakatu kotɨgua rami chepoäka re, joko güi roekɨta ko,
25romeeta nderovaicho reta ndereeka ndeyuka vaerä vae ipo pe, rekɨɨye chugüi vae reta pe. Romeeta Nabucodonosor mburuvicha guasu Babilonia pegua ipo pe, jare Caldeaɨgua reta ipo pe.
26Jare rogüɨrajaukata nde jare ndesɨ ïru ɨvɨ pe, mbaetɨ pea pɨpe vae pe, joko pe pemano päveta.”
27Jayave, ngaraa ma oyerova reta ye, kuae ɨvɨ ikɨ̈reɨ yae oyerova reta ye tëi vae pe.
Ñeemombeúa ipɨakañɨ28¿Jae pa ko Jeconías ɨrɨru oyeka
jare mbaetɨ ye osirive vae?
¿Maera pa jae jare iñemuña reta oyemombo
ɨvɨ oikuaambae kotɨ?
29¡Ɨvɨ, ɨvɨ, ɨvɨ;
eyeapɨsaka yandeYa iñee re!
30YandeYa jei:
“Pemoapɨta kuae kuimbae jee taɨmbae rami,
kuimbae oë kavimbae chupe opaete mbaembae vae rami.
Echa metei ave iñemuña reta güi
ngaraa oguapɨ David iguapɨa pe,
oporookuai pɨau ye vaerä Judá re.”
Who We AreWhat We EelieveWhat We Do
2025 by iamachristian.org,Inc All rights reserved.
